Lukas 6:7 - Hanunuu

⁷ Tiniidan si Hisus manga manugtudlu Kasuguan hanggan manga Parisiyu nu ngatay paayadun niya tunda pag tawu sa Sirang Pamahari, hampay nu may makitan puruyba laban sa kanya, isumbung yi siya.

Lukas 6:7 Iomraidhean Croise

Kanta 38:12

Ti manga tawu magkaibug mumatay sa kangku magpauli suduk hampay dakpun aku. Sida ti magkaibug manakit sa kangku magharampangan nu kabitay nida aku ipadamhak. Sa buu sirang maggayak sida mandaya sa kangku.

Isayas 29:21

hanggan ti tanan manga magbangdan balaw may tutuu sa kaparihu, ti manga marapudil hampay lang papaniwalaun nida ti manga manughusay, hanggan ti pudilun pag kastigus hampay balaw mapakan-an katadlungan ti manga unman may kasalanan.

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Matiyu 5:39

Dapat kainda kang pagsabihun sa kanyu, danga niyu paggantihi ti daut pag tawu. Nu sampalun tawu kanmu sikun pingi, iatubang maan nimu kay baliw pingi.

Markus 3:2

Tiniidan manga Parisiyu si Hisus nu ngatay paayadun niya sa Sirang Pamahari hampay kanda mana isumbung siya.

Lukas 13:14

Dapat ti pangulu simbahan manga Hudiyu nagalit ngap, dahil nagpaayad si Hisus katpung Sirang Pamahari. Kainda kay bilin manug-asikasu sa manga tawu magkun, “Sa sulud unum ka sirang kailangan magtarabahu ti manga tawu. Pagluwang kamu sa tunda pag manga sirang hampay kamu paayadun, danga gid sa Sirang Pamahari.”

Lukas 20:20

Nakan nag-alagad waya sida. Sinugu nida manga tawu kanda inupahan hampay mamabalhinguun pag paingana sa kan Hisus hampay pasalanun siya sa kay bagaw bag-u ipabahala nida siya sa kapangyarihan gubirnadur.

Huwan 9:16

Ti iba Parisiyu magkun, “Balaw ginan sa Diyus tunda pag tawu ti nagbuwat katida, dahil maglabag siya sa Kasuguan tungkul sa Sirang Pamahari.” Dapat sinabi maan manga iba magkun, “Kabitay pag makabuwat ti tawu katunda pag manga makadululaw, nu siya makasalanan?” Nakan magkabululag kanda naisipan tungkul sa kan Hisus.