Lukas 6:49 - Hanunuu

⁴⁹ Dapat ti magdungug sa kang manga bagaw, bag-u unman niya pagtupadun, parihu siya sa usa ka tawu nagbungsud balay sa babaw lang daga, balaw yi ikinali. Binalusbusan baha, kadaka nagpu gid, lubus yi nadaut tunda pag balay.”

Lukas 6:49 Iomraidhean Croise

Kabagawan 28:18

Ti tawu magpangabuhi unman may ikasabi balaw maunu, dapat ti tawu balaw hustu kay pagbuwatun midamhak rargu.

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Husyas 4:14

Dapat balaw niku sida parusahan sa kanda pagbuwatun daut dahil kamu hanggan pag manga lalaki mag-ulid diman sa manga babayi baraydan ati sa Balay Diyus, ag maghandug waya kamu kaibahan nida para sa manga diyus-diyusan. Nakan dahil kamu pag nasakupan unman may intindi tungkul sa katutuuhanan, midamhak kamu.

Matiyu 23:3

Nakan buwata niyu kanda pag-itudlu, tupada kanda manga pag-isugu. Dapat danga niyu paghuwada kanda ugali dahil unman kanda pagtupadun kanda pag-itudlu.

Matiyu 24:10

Mayamu ti umalinlangan sa kanda pagsarig bag-u mangalagalitan sa usa kag sa usa. Pumakampi ti iba sa kalaban bag-u itudlu ngap nida kanda kaparihu.

Markus 4:17

Dapat maaw unman nidna tunda sa kanda tagipusuun, nakan unman sida dinmugay. Pagka rinmas-ug ti manga kakurian, ti manga pag-unuunu dahil sa Bagaw Diyus, bigla lang inmalinlangan.

Lukas 12:47

Dahil ati pag panawuhun nakaalam sa kay amu daan bilin, dapat ay unman nag-alistu, unman diman naniwala sa kay bilin, nakan duru yi pagkabakul sa kanya.

Lukas 19:14

“Dapat kinagalitan siya niya manga kasimanwa pinausigan siya nida manga diligadu ag pinakihampang magkun, ‘Unman nimi ibug inda pag tawu ti humari sa kanmi.’

Lukas 19:27

Nu bay kang manga kalaban tunda, daran-a niyu sitay tag sa kangku matya sa kang atubangan dahil sa dayu sida aku makahari sa kanda.’ ”

Lukas 6:46

Sinabi ni Hisus magkun, “Hayga lugud aku kanyu pagpakaingarnan Panginuun, Panginuun, bag-u unman diman kanyu pagtupadun kang pagbagawun sa kanyu?

Lukas 6:48

Siya ga usa ka tawu magbuwat kay balay kinmali abasad tugka sa batu bag-u ibinungsud niya kay tulduk. Pagka binmaha binmalusbus ti baha tag yi sa balay, dapat ud natandug dahil marig-un kay nabungsudan tunda.

Lukas 7:1

Pagka natapus ni Hisus kay tanan paliwanag sa manga tawu magpatingi, nag-atag yi siya sa banwa Kapirnaum.

Huwan 15:2

Nu may manga sanga sa kangku unman magburak, kay pungpungun niya. Ti kada sanga magburak puldan niya kay baliw hampay lalu mamurak.

Binwat 20:29

Alam niku duy, nu sa kang uryan may rumas-ug sa kanyu karaw-an manga tawu kanda ugali ga manga simarun idu, ag unman may pangaawa sa kanda. Dautun gid nida ti iglisya.

Binwat 26:11

Nanalapudan aku sa manga simbahan manga Hudiyu. Nu may nakitan aku manga napasakup sa kan Hisus, pinarusahan niku sida hampay pabul-iwun sida sa kanda pagsarig sa Panginuun. Sa mahigpit niku pangagalit sa kanda, nag-ati diman aku sa manga banwa luwas yi nita nasyun Israil hampay pag-unuunuhun di gid niku ti manga napasakup sa kan Hisus ati.

1 Tisalunika 3:5

Nakan ngani pagka udyi aku makaagwanta, sinugu niku si Timutiyu hampay makaalam barita tungkul sa kahamtangan taynguna niyu pagsarig sa Panginuun. Nag-isip aku barang natuksu kamu diyablu. Nu abi katida ti nangyari, nabul-an yi lang halaga kanmi nagpangabudlay.

2 Pidru 2:20

Nakaiwas yi sa kadautan kalibutan ti manga tawu nakakilala sa kan Hisu-Kiristu sa kanda Panginuun Manugribri. Dapat ay nu maraibgun maan sida sa daan pag ugali daut bag-u nu rargu napatalu, lalu man makuri kanda kahamtangan balaw lang ga sa kabag-u.

1 Huwan 2:19

Tunda pag manga tawu ginan diman waydi sa kanta karaw-an dapat daan balaw tutuu minsan sa kanta. Nu abi sida ungud minsan sa kanta, unman gid napablag sida sa kanta. Nakan sida napablag, hampay makilala sida tanan balaw tutuu gid minsan sa kanta.