Lukas 6:48 - Hanunuu

⁴⁸ Siya ga usa ka tawu magbuwat kay balay kinmali abasad tugka sa batu bag-u ibinungsud niya kay tulduk. Pagka binmaha binmalusbus ti baha tag yi sa balay, dapat ud natandug dahil marig-un kay nabungsudan tunda.

Lukas 6:48 Iomraidhean Croise

2 Samwil 22:2

Inda kay kanta: “Panginuun, kawu kang palalan-iban pag batu, kang matibay pag paratag-an ag manugribri. Bilang palalan-iban pag batu, makapatagu aku sa kanmu. Kawu kang panangga, makamaskihan pag manugribri. Kawu kang darangpan ag paratag-an. Kawu ti magribri sa kangku ginan sa maraisug pag manga tawu.

2 Samwil 22:32

Kawu lang, Panginuun, ti Diyus, ag unman yi may iba. Kawu lang kanmi palalan-iban pag batu.

2 Samwil 22:47

Buhi kawu, Panginuun! Dayawun kawu kang palalan-iban pag batu! Pag-ipaabwat niku kawu dahil kawu ti Diyus kang Manugribri.

2 Samwil 22:5

Ti kamatayan parihu sa humbak maglapaw sa kangku. Ti kadamhakan parihu sa mabaskug pag baha mag-anud sa kangku.

2 Samwil 23:3

Magkun sa kangku ti Diyus, ti batu palalan-iban Israil, ‘Ti magpangulu matadlung ag may dala sa Diyus

Kanta 32:6

Nakan ti tanan tapat kailangan magdarangin sa kanmu sa udas kakurian, hampay nu rumas-ug ti kakurian ga baha, balaw sida maunu.

Kanta 62:2

Siya lang kang palalan-iban pag batu ag manugribri. Siya kang darangpan, nakan balaw gid aku mataranta.

Kanta 95:1

Abala kamu, manganta kita sa kabayaan. Paghuyaw kita sa Panginuun, ti palalan-iban pag batu magribri sa kanta.

Kabagawan 10:25

Nu rumas-ug sa buhi ti pagsubuk parihu sa bagyu, maparaw ti daut pag tawu, dapat ti matadlung pag tawu rargu di kay karig-unan.

Isayas 26:4

Pagsarig kamu pirmi sa Panginuun, dahil siya kanta palalan-iban pag batu hanggan aban.

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Nahum 1:8

Parihu siya sa mabisug pag baha manabu manruris sa kay manga kalaban. Bukadun niya kay manga kalaban tugka sa mamatay niya sida.

Lukas 6:47

Ti kada magpakarani sa kangku ag magpatingi sa kang manga bagaw bag-u siya magtupad sa kay nadnugan, malu, ipakilala niku sa kanyu sa pahalimbawa nu kabitay pag tawu siya.

Lukas 6:49

Dapat ti magdungug sa kang manga bagaw, bag-u unman niya pagtupadun, parihu siya sa usa ka tawu nagbungsud balay sa babaw lang daga, balaw yi ikinali. Binalusbusan baha, kadaka nagpu gid, lubus yi nadaut tunda pag balay.”

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.

Diyuturunumiyu 32:31

Dahil ti palalan-iban pag batu nita manga kalaban balaw parihu sa kanta palalan-iban pag batu, una sida alam di inda.

2 Timutiyu 2:19

Dapat marig-un kay ipinakana Diyus pag manga tudlu magkun, “Magkakilala di Panginuun nu si unu ti sa kanya.” Ag “Ti kada tawu magtawag sa Panginuun, pagpakarayu sa magbuwat kadautan.”

2 Pidru 1:10

Manga patar-ari, kamu kay manga tinawag ag manga pinili Diyus, nakan ngani pagpakarig-un kamu sa inda pag kahamtangan. Nu inda kanyu buwatun dayu kamu sumimray.

1 Huwan 2:28

Kamu duy pag manga tuludluan niku, dagpablag gid kamu ginan sa kan Kiristu, hampay nu miburayhaw siya, balaw kita magkadala ag hampay kita balaw mangay-a sa kay atubangan sa kay pagras-ug aban.

Hudas 1:24

Diyus lang ti makaingat sa kanyu hampay kamu balaw malagpak sa kasalanan. Mipaatubang diman niya kamu tabug sa kay kadayawan unman yi may daut kamu una di, nu ud lubus yi ngap sa kabayaan.

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.