Lukas 6:47 - Hanunuu

⁴⁷ Ti kada magpakarani sa kangku ag magpatingi sa kang manga bagaw bag-u siya magtupad sa kay nadnugan, malu, ipakilala niku sa kanyu sa pahalimbawa nu kabitay pag tawu siya.

Lukas 6:47 Iomraidhean Croise

Isayas 55:3

Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Matiyu 12:50

Dahil una si unu pag tawu ti magtupad sa kagustuhan niku Ama sa langit, siya gid kang patar-ari lalaki, kang patar-ari babayi, kang ina.”

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Lukas 11:28

Dapat sinabi ni Hisus, “Lalu waya papaladan Diyus ti manga tawu nu magpatingi sa kay bagaw bag-u kanda pagtupadun.”

Lukas 14:26

“Una si unu pag tawu ti pumakarani sa kangku dayu mahimu kang tuludluan nu ipalabi niya kay ina hanggan kay ama, kay asawa, kay manga anak hanggan kay manga patar-ari, una kay sadili.

Lukas 6:48

Siya ga usa ka tawu magbuwat kay balay kinmali abasad tugka sa batu bag-u ibinungsud niya kay tulduk. Pagka binmaha binmalusbus ti baha tag yi sa balay, dapat ud natandug dahil marig-un kay nabungsudan tunda.

Lukas 8:13

Tunda sa mabatu, imaw ti manga nakadnug lang nagtanggap yi sida magbaya sa Bagaw Diyus. Dapat unman ngap inmaba kay gamut. Sida ngap ud nadugay kanda sarig. Pagka rinmas-ug ti tuksu nagbul-iw sida sa Diyus.

Lukas 8:8

Dapat ay kay iba nipamgas sa mayad pag daga. Pagka nagtubu, namurak tigus-a ka gatus.” Pagka itinultul ni Hisus inda pag pahalimbawa, inalsa niya kay busis magkun, “Ti may tuli kailangan pagpatingi.”

Huwan 10:27

Kang manga karanidu magdungug sa kang magbagaw. Kilala niku sida ag sida magkuyug sa kangku.

Huwan 13:17

Nu naintindihan yi niyu inda pag manga katutuuhanan, masulung kamu nu kanyu tupadun.

Huwan 14:15

Sinabi ni Hisus magkun, “Nu pagmahalun gid niyu aku, tupadun waydi niyu kang manga ibinilin sa kanyu.

Huwan 5:40

Dapat unman kamu magkaibug magtanggap sa kangku nakan unman diman waydi matanggap niyu ti tutuu pag buhi.

Huwan 6:35

Bag-u sinabi ni Hisus sa kanda magkun, “Aku ti ga karan-unun makapakaun buhi sa manga tawu. Tigpasakup sa kangku balaw yi lun-usun, tigsarig sa kangku dayi uwawun una hanggan aban.

Huwan 6:37

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Huwan 8:52

Sinabi manga Hudiyu sa kanya magkun, “Taynguna alam nimi pihu kawu inapuan labang. Si Abraham namatay, hanggan ti manga Purupita namatay diman. Bag-u kanmu pagsabihun taynguna, una hintay pag tawu nu mag-ugali siya angay sa kanmu pag-itudlu, dayu gid mamatay hanggan aban.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

Santiyagu 4:17

Nu alam tawu ti dapat niya buwatun pag kaayadan bag-u unman waydi kay pagtupadun, siya magkasala.

1 Pidru 2:4

Pagpakarani kamu sa kan Kiristu. Siya yi ngani ti ga batu may buhi, dinayu manga tawu, dapat pinili ngap Diyus, kay yi pagpahalagahan.

2 Pidru 1:10

Manga patar-ari, kamu kay manga tinawag ag manga pinili Diyus, nakan ngani pagpakarig-un kamu sa inda pag kahamtangan. Nu inda kanyu buwatun dayu kamu sumimray.

1 Huwan 2:29

Alam yi niyu si Kiristu ti matadlung. Nakan magkaalaman diman waydi niyu una hintay pag tawu nu matadlung kay buwat siya anak yi Diyus.

1 Huwan 3:7

Kamu duy pag manga anak niku, danga kamu padaya una sa kantapu. Ti matadlung kay buwat pag tawu, ga kan Kiristu diman waydi matadlung siya.

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.