Lukas 6:46 - Hanunuu

⁴⁶ Sinabi ni Hisus magkun, “Hayga lugud aku kanyu pagpakaingarnan Panginuun, Panginuun, bag-u unman diman kanyu pagtupadun kang pagbagawun sa kanyu?

Lukas 6:46 Iomraidhean Croise

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Matiyu 25:11

“Pagka dugay rinmas-ug diman tunda pag lima ka daraga kurang kay intindi. Magtawag sida magkun, ‘Pasakaha duy nimu kami.’

Matiyu 25:24

Nagpakarani waydi ti panawuhun nakatanggap usa ka libu. Magkun siya, ‘Alam niku duy kawu mahigpit pag amu. Maggarab kawu una balaw kanmu pag binudlayan. Una kawu unman nagpamgas paghanapun waya nimu kay ani.

Matiyu 25:44

Sumabi diman sida, ‘Panginuun, kapira duy kanmi nakitan kawu linun-us, inuwaw, ngatay kawu taga iba daga, ngatay nawad-an rutay, ngatay may sakit kawu, ngatay sa pirisuhan ag unman kawu kanmi inasikasu?’

Galasya 6:7

Dagsalan gid ungud kamu sa kanyu pag-iisip. Ti Diyus dayu gid mahimu hakutun tawu. Nu hintay ti ipamgas tawu, imaw diman kay anihun.

Santiyagu 1:22

Pag-ugali kamu angay sa Bagaw Diyus. Nu pagpatingihan lang niyu ti Bagaw Diyus bag-u unman diman pagtupadun, pagdayaun niyu kanyu sadili.