Lukas 6:42 - Hanunuu

⁴² Kabitay kawu pag sumabi sa kanmu patar-ari, ‘Tar-ari, mahimu aw aku bum-ul kanmu paruk sa kanmu mata,’ nu unman nimu nakitan ti batang sa kanmu sadili mata? Kawu duy magpabalhinguun lang. Bul-a dap ti batang sa kam sadili mata, bag-u makakit mayad kawu hampay mab-ul nimu ti paruk sa kanmu patar-ari mata.”

Lukas 6:42 Iomraidhean Croise

Kabagawan 18:17

Ti un-an nanultul sa husgadu bilang ga imaw ti tutuu, tugka sa kalaban maan ti man-usisa sa kanya.

Matiyu 26:75

Bag-u naisipan ni Pidru kay sinabi ni Hisus magkun, “Udwaya tumarauk ti manuk, itanggi nimu aku katlu ginan.” Napalwas si Pidru ga magutsan sa lumi.

Matiyu 7:3

Hayga mag-akitan nimu ti paruk sa mata nimu patar-ari dapat unman pagbatiun nimu ti batang sa kanmu sadili mata?

Matiyu 7:4

Kabitay pag masabi nimu sa kanmu patar-ari, ‘Abala duy kang bul-un ti paruk sa kanmu mata’, bag-u may batang diman ngapu kanmu mata.

Lukas 13:15

Dapat sinabi ngap Panginuun sa kanya magkun, “Kamu katna manga magpabalhinguun lang. Nu Sirang Pamahari unman aw ti kada usa sa kanyu maglubad kanyu manga higut baka una nangus asnu ginan sa kurumpayan hampay kanyu pagguyudun ipagpaslup sa danum?

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Lukas 6:41

“Hayga mag-akitan nimu ti paruk sa mata nimu patar-ari dapat unman kanmu pagbatiun ti batang sa kanmu sadili mata?

Lukas 6:43

Sinabi ni Hisus magkun, “Ti mayad pag puun kayu dayu mahimu bumurak daut, ag ti daut pag puun kayu dayu waydi bumurak mayad.

Binwat 13:10

bag-u kay sinabi magkun, “Kawu parihu sa diyablu kanmu ugali. Maglaban kawu sa tanan kaayadan, pasay yi sa kadayaan hanggan sa kalukuhan. Hayga lugud pirmi gustu nimu pagbaliwun kapudilan ti katutuuhanan tungkul sa Panginuun?

Binwat 2:38

Nagsagut si Pidru magkun, “Ampuan niyu kanyu kasalanan ag paghagad kapatawadan sa Diyus. Pagpatulbaw ti kada usa sa kanyu, pagpasakup sa ngaran ni Hisu-Kiristu hampay patawadun yi kanyu manga kasalanan. Bag-u ipakaun Diyus sa kanyu ti Ispiritu Banal.

Binwat 8:21

Unman kawu may karampatan makaawat sa inda pag buruwatun, dahil kanmu tagipusuun unman malumpiyu sa kay magbantay Diyus.

Ruma 2:1

Nakan ngani una si unu kawu ti parapihu sa kasalanan manga iba, udyi ngap kawu may idahilan. Dahil sa kanmu magpihu sa manga iba, pagpihuun diman waydi nimu kanmu sadili kasalanan. Kawu magpihu sa kasalanan manga iba, dapat kumun diman waydi kanmu pagbuwatun.

2 Kurintu 5:18

Ti tanan inda ginan sa Diyus. Sa panab-anan lang ngani ni Kiristu pag nipausa Diyus kita sa kanya. Bag-u pinili kami Diyus sa inda pag buruwatun hampay ipausa nimi ti manga tawu sa kanya.

2 Timutiyu 2:21

Una si unu ti magpakarayu sa magbuwat kadautan pag-ipaparihu sa manga garamitun pagpahalagaan niya apu, manga sakup sa Diyus, ihinanda para gamitun niya Panginuun, pirmi alistu sa una hintay pag buruwatun mayad.

2 Pidru 1:9

Ti tawu nu unman may imaw katida pag ugali buhi ga madlum kay magbantay, nalimtan yi niya kuntay pinatawad yi kay daan pag manga kasalanan.