Lukas 6:30 - Hanunuu

³⁰ Pakan-an nimu ti kada maghagad sa kanmu. Nu bin-ul kanmu butang danga yi pagbawia.

Lukas 6:30 Iomraidhean Croise

Kanta 112:9

Mag-ayaw siya sa manga pugri; kay matadlung pag buruwatun alalahanun tugka aban ag kay kabisugan dugangan Diyus bilang paggalang sa kanya.

Kanta 41:1

Mapalad ti tawu magpasunaid sa manga pugri. Awatan siya Panginuun sa udas kakurian.

Kabagawan 19:17

Nu mag-awat kawu sa pugri, parihu lang sa nagpaudam kawu sa Panginuun, dahil Panginuun ti bumayad sa kanmu.

Kabagawan 21:26

Ti bugyahin pag tawu pirmi lang maghingbut makatanggap, dapat ti matadlung pag tawu magpakaun balaw may alinlangan.

Kabagawan 22:9

Papaladan Diyus ti manga marapakaun karan-unun sa manga pugri.

Manugtudlu 11:2

Ayaw-ayawa kanmu kuwarta sa nanuhay-tuhay pag nigusyu, dahil unman nimu alam nu hintay pag kakurian ti rumas-ug sa kalibutan.

Manugtudlu 8:16

Sirang yabi unman aku magkaturug pagsikapun niku makab-ul kadunungan hampay masalman niku ti manga magpangyari sa kalibutan.

Matiyu 18:35

Katunda diman waydi kay buwatun sa kanyu niku Ama sa langit nu balaw lubusan patawadun niyu kanyu patar-ari.”

Matiyu 5:39

Dapat kainda kang pagsabihun sa kanyu, danga niyu paggantihi ti daut pag tawu. Nu sampalun tawu kanmu sikun pingi, iatubang maan nimu kay baliw pingi.

Matiyu 6:12

Patawada nimu kanmi manga kasalanan, parihu sa kanmi magpatawad sa manga nagkasala sa kanmi.

Lukas 11:41

Kailangan ipakaun niyu sa manga pugri kay sukad niyu manga taya bag-u udyi may daut sa kanyu surundanun.

Lukas 12:33

Ipabili niyu kanyu manga kasiyunan bag-u pagpakaun sa manga pugri kay kabilyanan. Pag-alistu kamu kanyu sukluban balaw magkadaut, tipunun niyu kanyu kayamanan sa langit. Ati unman mabawas ti kayamanan, una mananakaw, una tipakung dayu gumaraw.

Lukas 18:22

Pagka nadnugan ni Hisus inda, sinabi niya sa lalaki magkun, “Usa waya ka bagay ti kurang sa kanmu. Pabilyan nimu ti tanan nimu kasiyunan. Nu nipabili yi ayaw-ayawa kay kabilyanan sa manga pugri hampay makatanggap kawu kayamanan sa langit. Bag-u pagsitay maan kawu pagkuyug yi sa kangku.”

Lukas 6:29

Nu sampalun tawu kanmu pingi, kay baliw iatubang waydi. Ti magbuul kanmu kulimpay pakan-an yi lang nimu hanggan kanmu balukas.

Lukas 6:31

Nu kabitay kanyu ibug buwatun manga tawu tabug sa kanyu, pagkatunda diman kanyu buwatun sa kanda.

Lukas 6:38

Pagmarapakaun kamu sa iba ag pakan-an waydi kamu Diyus. Iuli niya sa kanyu subra waya sa kanyu ipinakaun ag mag-awas waya. Dahil nu kabitay kamu magpakaun sa iba, katida diman ti magpakaun Diyus sa kanyu.”

Binwat 20:35

Sa tanan niku binwat pinakakitan niku kamu usa ka mustara. Pagkatida diman kamu pagbudlay hampay awatan niyu ti manga malumuy. Danga malimtan ti binagaw Panginuun Hisus magkun, ‘Lalu masulung ti magpakaun, balaw lang ga pinakan-an.’ ”

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

Ipisu 4:28

Ti mananakaw danga yi magpakatakaw. Bagkus ngap pagpakasipag yi siya sa tarabahu, gamitun kay kamang sa una hintay pag buruwatun mayad hampay may miawat siya sa manga tawu may pangailangan.