Lukas 6:27 - Hanunuu

²⁷ Magkun si Hisus, “Kang pagsabihun sa kanyu sa magpatingi, mahala niyu kanyu manga kalaban, ti manga magkagalit sa kanyu balusan di ngap niyu mayad.

Lukas 6:27 Iomraidhean Croise

1 Hari 13:6

Pagkatapus, magkun ti hari sa suruguun Diyus, “Daranginan aku sa Panginuun niyu Diyus, paayada niya kang kamang.” Nakan nandarangin ti suruguun Diyus sa Panginuun ag inmayad ti kamang hari.

Kanta 7:4

ngatay binalusan niku daut ti mayad pag binwat niku kakilala, ngatay inagawan niku manga kasiyunan kang manga kalaban sa unman waydi may kadahilanan,

Kabagawan 24:17

Danga kawu magbaya nu midamhak kanmu kalaban.

Kabagawan 25:2

Pagparangalan nita ti Diyus dahil sa manga bagay balaw niya ibinarita sa kanta; dapat pagparangalan nita ti manga hari dahil sa manga bagay pag-ipahayag nida sa kanta.

Markus 4:24

Bag-u magkun waya si Hisus, “Pagpatingi kamu kaayad sa kangku. Ayawan kamu Diyus pan-unawa nu kabitay kamu magpatingi, ag dugangan waya niya inda.

Lukas 23:34

Sinabi ni Hisus, “Amang, patawada duy nimu sida, dahil unman nida alam kanda pagbuwatun.” Bag-u kanda inayaw-ayaw kay manga rutay ni Hisus, kanda waya alinaban sa lunggungan.

Lukas 6:22

Papaladan Diyus kamu nu pagkagalitan manga tawu, nu pagdayuun ag pagmuransahun, nu pag-ikadaut kamu dahil sa kanyu pakiusa sa Anak Tawu.

Lukas 6:35

Dapat mahala niyu kanyu manga kalaban, pakan-an niyu sida mayad, pagpaudam kamu danga yi magsarig kuntay ulian kamu. Nu katunda, daka pag pirimyu kanyu tanggapun ag kilalan-un kamu manga anak Makamaskihan pag Diyus. Dahil magbaya siya una sa manga tawu unman may pasunaid ag makasalanan.

Lukas 8:15

Ti sa mayad pag daga, tunda imaw ti manga mayad pag itinuduk sa kay tagipusuun, inalagaan nida ti Bagaw Diyus kanda nadnugan. Nakan magburak mayamu, balaw mag-urung una makuri.”

Lukas 8:18

“Isipa niyu nu kabitay kanyu magpatingi. Dahil una hintay pag tawu ti may imaw dugangan waya. Una hintay pag tawu ti unman may imaw, una ti pagsarigan mana niya bul-un diman gid aban ginan sa kanya.”

Lukas 8:8

Dapat ay kay iba nipamgas sa mayad pag daga. Pagka nagtubu, namurak tigus-a ka gatus.” Pagka itinultul ni Hisus inda pag pahalimbawa, inalsa niya kay busis magkun, “Ti may tuli kailangan pagpatingi.”

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Binwat 16:28

Dapat ay si Pablu nagbagaw gid daka magkun, “Danga duy nimu pagsakti kanmu sadili bilug. Kami inda di tanan-tanan.”

Binwat 7:60

Nagluhud siya bag-u nanawag daka magkun, “Panginuun, danga ipakaun nimu sa kanda inda pag kasalanan nida.” Pagka sinabi niya katida, naugtasan yi siya arup.

Galasya 6:10

Nakan ngani danga nita ipalawuy nu may rugar hampay magbuwat mayad sa kanta kaparihu, lalu gid sa manga kaparihu nita magsarig sa kan Kiristu.

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

3 Huwan 1:11

Kawu duy danga gid huwadun nimu ti daut pag mustara, nu unman ti mayad ti huwada. Ti magbuwat mayad, siya nianak Diyus. Ti magbuwat daut unman nakakit sa Diyus.