Lukas 6:23 - Hanunuu

²³ Pagbaya kamu nu katida ti mangyari sa kanyu, pag-utbaw waya sa kanyu kabayaan, dahil daka pag pirimyu aban sa kanyu ati sa langit. Katida diman waydi ti binwat nida manga ginurang sa manga purupita.

Lukas 6:23 Iomraidhean Croise

2 Samwil 6:16

Pagka pasulud yi sa banwa ni Dabid ti Kaban Panginuun, namasirang sa gaha si Mikul kay anak ni Saul. Nakitan niya magluksu-luksu ag magsayaw-sayaw si Hari Dabid sa atubangan Panginuun, ag ikinay-a niya tunda.

1 Hari 18:4

Pagka pagmatyun ni Hisibil ti manga purupita Panginuun, itinagu niya ti 100 purupita sa duwa ka lukib, 50 kada lukib, ag pinakan-an niya sida karan-unun hanggan danum.)

1 Hari 19:10

Sinmagut si Ilyas, “Panginuun, Diyus Makamaskihan, matinupadun duy aku magsirbi sa kanmu. Dapat dinayu manga Israilita ti kasunduan nida sa kanmu, winayak nida kanmu manga harandugan ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

1 Hari 19:14

Sinmagut siya, “Panginuun, Diyus Makamaskihan, matinupadun duy aku magsirbi sa kanmu, dapat dinayu manga Israilita ti kasunduan nida sa kanmu, winayak nida kanmu manga harandugan, ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

1 Hari 19:2

Nakan pinadarahan ni Hisibil barita si Ilyas magkumun, “Lubus mana aku parusahan manga diyus nu aldaw sa kainda diman pag udas balaw waya niku kawu magkamatay, parihu sa kanmu binwat sa manga purupita.”

1 Hari 21:20

Pagka nakitan ni Akab si Ilyas, magkun siya, “Nasampakan diman aku niku kalaban!” Sinmagut si Ilyas, “Hu, inmataytag aku sa kanmu dahil ipinabili nimu kanmu sadili sa pagbuwat daut sa magbantay Panginuun!

1 Hari 22:27

Ag sabihun niyu sa kanda nagsugu aku kuntay pirisuha inda pag tawu. Tinapay ag danum lang ti ipakaun sa kanya tugka sa makabalik aku may kahusayan ginan sa labanan.”

1 Hari 22:8

Sinmagut si Akab sa kan Husapat, “May usa waya ti mahimu nita mapaingan-an — si Mikaya kay anak ni Imla. Dapat magkagalit aku sa kanya dahil balaw siya may marinu pag-ihula tungkul sa kangku, lunsay kadautan.” Sinmagut si Husapat, “Danga kawu magbagaw katunda.”

2 Hari 6:31

Magsabi siya, “Mana parusahan gid aku Diyus masyadu nu unman niku mapuldan ulu si Ilisyu kay anak ni Sapat taynguna pag sirang!”

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

Nihimyas 9:26

“Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

Kanta 58:11

Bag-u sumabi ti manga tawu, “Tutuu gid ungud may pirimyu para sa manga matadlung ag may Diyus maghatul sa manga tawu sa kalibutan.”

Isayas 35:6

Mangutbaw ga karasyaw ti manga pilay, ag manringgit sa kabayaan ti buyun. Mamulus ti danum sa tigangan ag bumulus ti danum sa manga sapa sa pangawakawaan.

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 5:12

“Pagbaya gid ungud kamu pagmasulung kanyu naisipan, daka nakan kay pirimyu aban sa kanyu ati sa langit. Dahil katunda diman waydi kanda nag-unuunu kaybi sa manga purupita, sa manga un-an man sa kanyu.”

Lukas 1:41

Pagka nadnugan ni Ilisabit kay magbagaw ni Marya, namurag ti lapsag sa kan Ilisabit tiyan. Ag lubus sinuldan Ispiritu Banal si Ilisabit.

Lukas 1:44

Dahil malu, pagka nadnugan niku kis-ab kanmu magbagaw, binmaya namurag ti lapsag sa kang tiyan.

Lukas 6:35

Dapat mahala niyu kanyu manga kalaban, pakan-an niyu sida mayad, pagpaudam kamu danga yi magsarig kuntay ulian kamu. Nu katunda, daka pag pirimyu kanyu tanggapun ag kilalan-un kamu manga anak Makamaskihan pag Diyus. Dahil magbaya siya una sa manga tawu unman may pasunaid ag makasalanan.

Binwat 14:10

“Pagtindug yi duy kawu kalawis.” Tinmindug siya, rargu nag-utbaw bag-u naglakaw-lakaw.

Binwat 3:8

Tinmindug siya rargu nag-utbaw bag-u naglakaw-lakaw. Mag-utbaw-utbaw gid siya kay magsaka tag sa Balay Diyus kaibahan nida ni Pidru, masulung magdayaw sa Diyus.

Binwat 5:41

Pagka ginan sa atubangan Katipunan manga Pinunu, nuli maan ti manga apustul. Nakabaya gid ungud sida, dahil pinakan-an sida karampatan hampay mag-agwanta parusa dahil ngani sa kan Hisus.

Ruma 5:3

Bukun lang tunda. Magbaya yi ngap kita sa kanta manga pag-agwantahun, dahil magkaalaman diman nita nu kita may pag-agwantahun amat-amat kita magmatiniisun.

2 Kurintu 12:10

Nakan ngani magbaya diman aku una aku malumuy, una api-apihun, una pakurianan, una unu-unuhun, una lang hintay pag aragwantahun dahil ngani sa kan Kiristu. Dahil nu aku malumuy, ati katpung ngap aku may kabisugan.

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

2 Timutiyu 2:12

Nu kita mainagwantahun sa kakurian humari diman kita kaibahan ni Kiristu. Nu itanggi nita siya sa atubangan manga tawu, itanggi waydi niya kita.

Hibriyu 11:26

Kay isip ni Muysis daka man pag kayamanan nu pag-unuunuhun siya dahil sa kay Pinili Diyus Manugribri pag Hari, balaw di ga manga kayamanan sa Ihiptu, dahil paghingabtun niya kay patabgan pag pirimyu.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Santiyagu 1:2

Manga patar-ari niku, pagbaya kamu lubus nu kamu makalakaw sa tuhay-tuhay pag manga subuk.

1 Pidru 4:13

Lalu kailangan gid kamu pagbaya sa kanyu magpakidamay sa kakurian ni Kiristu, hampay nu ipaburayhaw yi aban kay kadayawan ni Kiristu, kamu lubus yi sa kabayaan.

Ipinakakit 2:17

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu pakan-an niku hinamnu pag karan-unun ginan sa langit. Pakan-an diman niku siya batu malagti imaw ti sinuratan bag-u niya pag ngaran. Unman may nakaalam tunda pag ngaran nu ud tunda lang waydi ti pinakan-an.”

Ipinakakit 2:26

Nu manalu ti tawu ag tumupad sa kagustuhan niku hanggan tugka sa katapusan, imaw yi ti pakan-an niku karampatan parihu diman waydi sa kang tinanggap ginan sa kang Ama hampay magpamahala sa manga nasyun. Pakan-an siya aban karampatan magpamahala may bitbit pamakul baul. Runutun niya ti manga nasyun parihu sa anglit marunut. Ipakaun diman niku sa kanya ti kuramnag.

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”

Ipinakakit 21:7

Inda ti matanggap tawu nu manalu. Aku yi ti Diyus niya, siya kang yi waydi gid anak.

Ipinakakit 3:12

Ti manalu pag tawu buwatun niku ga usa ka tulduk sa balay niku Diyus, dayi ayitun siya ati ginan hanggan waya aban. Iguhit niku sa kanya ti ngaran niku Diyus hanggan ti ngaran banwa niku Diyus, imaw ti bag-u Hirusalim ti dumugsun ginan sa langit, ginan sa kang Diyus. Iguhit diman niku sa kanya kang bag-u pag ngaran.

Ipinakakit 3:5

Ti manalu pag tawu imaw ti makasulung rutay malagti. Dayu bul-un niku kay ngaran ginan sa ribru kabuhian. Magkakilala niku siya sa atubangan niku Ama hanggan sa atubangan niya manga anghil.