Lukas 6:22 - Hanunuu

²² Papaladan Diyus kamu nu pagkagalitan manga tawu, nu pagdayuun ag pagmuransahun, nu pag-ikadaut kamu dahil sa kanyu pakiusa sa Anak Tawu.

Lukas 6:22 Iomraidhean Croise

Isayas 65:5

Magkun sida tag sa iba, ‘Danga kawu magpakarani sa kangku barang aku mayagtingan. Mas banal aku kaysa kanmu!’ Magkasamuk aku sa katunda pag manga tawu. Ag kang pangagalit sa kanda ga apuy maglabdaban sa buu malambung.”

Isayas 66:5

Kamu manga may dala sa bagaw Panginuun, patingihi niyu kay padakit, “Dahil kamu matinupadun sa kangku, kinadat-an ag binugyahan kamu manga iba niyu manga kasimanwa. Pag-aringun nida kamu magkun, ‘Ipakakit yi mana Panginuun kay kamaskihan hampay makitan nimi kanmu kabayaan!’ ” Dapat mangay-a sida.

Matiyu 10:18

Dahil sa kanyu magpasakup sa kangku, ipaatubang kamu sa manga gubirnadur hanggan sa manga hari hampay tumultul kamu tungkul sa kangku sa atubangan nida hanggan sa manga balaw Hudiyu.

Matiyu 10:22

Kagalitan aban kamu tanan tawu dahil sa kanyu pakiusa sa kangku. Dapat tigpakarig-un hanggan tugka sa katapusan imaw ti maribri.

Matiyu 10:39

Ti mag-ingat sa kay sadili buhi, maduraan ngap buhi unman may katapusan. Ti nabul-an buhi sa kay magsunud sa kangku, imaw ngap ti kumakit buhi.”

Lukas 20:15

Kanda tinulak tabug sa luwas ubasan bag-u kanda yi ngani minatay.” “Hintay nguna ti buwatun may apu ubasan sa kanda?

Lukas 21:17

Kamu kagalitan tanan tawu dahil sa kanyu pakiusa sa kangku.

Lukas 6:21

Papaladan Diyus kamu ti manga magkalun-us taynguna, dahil mabsug kamu aban. Papaladan Diyus kamu ti manga maglumi, dahil pasulungun kamu aban.

Huwan 12:42

Lang madi katida, mayamu manga pinunu Hudiyu ti nagsarig sa kan Hisus. Dapat sida magkadala sa manga Parisiyu nakan unman kanda ipinamalay sa manga tawu barang ipalwas sida ginan sa simbahan manga Hudiyu.

Huwan 16:2

Ipalwas kamu aban manga Hudiyu ginan sa kanda manga simbahan. Aban humantup ti manga tawu tinupad nida ti buruwatun Diyus nu kamu kanda minatay.

Huwan 17:14

Ipinakaun niku sa kanda kanmu ngani bagaw bag-u kinagalitan sida manga taga kalibutan dahil sida unman minsan sa manga taga kalibutan parihu sa kangku balaw minsan sa taga kalibutan.

Huwan 7:7

Ti manga tawu taga kalibutan unman may pag-ikadaut sa kanyu. Dapat aku kanda pagkadat-an, dahil pirmi pag-ipaburayhaw niku kanda manga buwat daut.

Huwan 9:34

Sinabi maan manga pinunu Hudiyu sa kanya magkun, “Lubus yi lang kawu makasalanan ginan waya sa kanmu pagkalusad, bag-u kawu aw lugud ti tumudlu waya sa kanmi?” Bag-u kanda ipinalwas siya ginan sa kanda simbahan.

Binwat 22:22

Siti tugka namatingi gid ti manga tawu sa kan Pablu pagsabihun. Dapat ay pagka sinabi niya siya sinugu Panginuun tabug sa manga balaw Hudiyu, nanriringgitan ti kayamuan tawu magkun, “Matya yi gid duy siya. Udyi kailangan siya mabuhi waya.”

Binwat 24:5

Dahil naintindihan nimi inda pag tawu magpan-gulu. Pagguluhun niya ti manga Hudiyu una naan pag rumas-ug siya. Takinan siya manga tawu magsunud sa surundanun Nasarinu.

Binwat 9:16

Ipaalam diman waydi niku sa kanya ti tanan niya kailangan tiisun sa kay magpakilala sa kangku sa manga tawu.”

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

1 Pidru 3:14

Dapat nu abi kamu mag-agwanta kakurian dahil ngani sa kanyu magbuwat mayad, papaladan di ngap kamu Diyus. “Danga lugud kamu magkadala sa kanda gayak. Danga waydi magkakulbaan kanyu naisipan.”