Lukas 6:21 - Hanunuu

²¹ Papaladan Diyus kamu ti manga magkalun-us taynguna, dahil mabsug kamu aban. Papaladan Diyus kamu ti manga maglumi, dahil pasulungun kamu aban.

Lukas 6:21 Iomraidhean Croise

Gimpuunan 17:17

Pagka nadnugan inda ni Abraham nagyuk-ub siya bilang paggalang sa Diyus, dapat nasari siya sa kay nadnugan. Magkumun siya sa kay sadili, “Magkaanak aw waya aku sa inda pag idad niku 100 yi ka timpu? Ag si Sara, mamuduy aw waya nguna siya kay idad 90 yi ka timpu?”

Gimpuunan 21:6

Magkun si Sara, “Pinasari aku Diyus sa kabayaan, ag una si unu ti makadnug tungkul sa nangyari sa kangku pihu masari diman.

Kanta 107:9

Pinainum niya ti manga magka-uwaw ag pinakaun ti manga magkalun-us.

Kanta 119:136

Masyadu gid kang maglumi dahil unman pagsundun manga tawu kanmu kasuguan.

Kanta 143:6

Ipinaabwat niku kang manga kamang sa kanmu sa kang magdarangin; magkauwaw aku sa kanmu parihu sa mamara pag daga magkauwaw sa danum.

Kanta 17:15

Dapat aku inda makakit sa kanmu dahil unman aku may nabwat kasalanan. Sa kang pag-ipulaw makabaya gid aku makakit sa kanmu.

Kanta 28:7

Kawu ti magpakaun sa kangku kabisugan ag mag-alaga sa kangku ga panangga. Magsarig aku sa kanmu ag pag-awatan nimu aku. Nakan makabaya gid aku ag manganta pasalamat sa kanmu.

Kanta 65:4

Mapalad ti tawu kanmu pinili ag binan-awan mangulian sa kanmu Balay. Makabaya kami sa marinu pag manga bagay sa kanmu balay, ti banal pag Balay Diyus.

Isayas 25:6

Sitaay sa Bantud Siun, ti Panginuun Makamaskihan mangalistu usa ka karan-an para sa tanan. Manga masarap pag karan-unun hanggan manga irinmun kay ialistu.

Isayas 30:19

Kamu manga taga Siun, manga nasakupan Hirusalim, balaw yi kamu utru manlumi! Kaawaan kamu Panginuun nu manhagad kamu awat sa kanya. Nu madnugan niya kanyu darangin, sagtun niya kamu.

Isayas 66:10

Kamu tanan manga magmahal sa Hirusalim, pagmasulung kamu kaibahan nida. Hanggan kamu pag manga maglumi sa kanda, pagbaya kamu sa kanya,

Hirimyas 13:17

Dapat nu dayu waya gid mamatingi kamu, manlumi aku sa lihim dahil sa kanyu magpadayaw. Manlumi aku kabisug bumulus kang manga luwa dahil bihagun ti manga pinili Panginuun.

Hirimyas 31:25

Dahil paharyun niku ti manga magkagasa, busugun niku ti manga magpanlumuy dahil sa lun-us. Nakan sabihun manga tawu,

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Hirimyas 9:1

“Nu bubun lang mana danum kang ulu, ag kang manga mata bulbugan luwa, manlumi aku sirang yabi para sa namatay pag manga kasimanwa niku.

Isikil 7:16

Ti manga makaribri sa kamatayan ag makapalagiw tabug sa manga bantud manlumi ga uni manga kalampati, dahil sa kanda manga kasalanan.

Isikil 9:4

ag sinabihan, “Palibuta ti Hirusalim ag markahi ti bangas manga magpanruku dahil sa tanan mayagting pag pagbuwatun sa banwa.”

Matiyu 5:4

Papaladan Diyus ti manga may karukuan, dahil sida pakan-an di niya kabayaan.

Matiyu 5:6

Papaladan Diyus ti tawu nu ga magkalun-us ag magkauwaw kay magpatigagad makatupad sa kagustuhan Diyus, dahil ipakaun sa kanda ti kanda paggagadun.

Lukas 1:53

Binsug niya ti manga magkalun-us sa manga mayad pag kabagayan. Tinulak niya ti manga mayaman, unman pinakan-an una lang hintay.

Lukas 6:20

Nagbantay si Hisus sa kay manga tuludluan, bag-u sinabi niya magkun, “Papaladan Diyus kamu pag manga pugri, dahil kamu pagharian Diyus.

Lukas 6:22

Papaladan Diyus kamu nu pagkagalitan manga tawu, nu pagdayuun ag pagmuransahun, nu pag-ikadaut kamu dahil sa kanyu pakiusa sa Anak Tawu.

Lukas 6:25

Kaawaawa kamu pag manga busug yi kainda dahil kamu lun-usun aban. Kaawaawa kamu pag manga magkasari kainda dahil manruku aban ag manlumi kamu.

Huwan 11:35

Naglumi si Hisus.

Huwan 4:10

Sinmagut si Hisus magkun, “Nu abi maalaman lang nimu nu hintay kay pag-ipakaun Diyus ag nu si unu ti naghagad kam danum, mahimu kawu ngap mana ti humagad sa kanya, hampay ipakaun niya sa kanmu ti danum imaw ti makapakaun buhi sa tawu.”

Huwan 6:35

Bag-u sinabi ni Hisus sa kanda magkun, “Aku ti ga karan-unun makapakaun buhi sa manga tawu. Tigpasakup sa kangku balaw yi lun-usun, tigsarig sa kangku dayi uwawun una hanggan aban.

1 Kurintu 4:11

Taynguna tugka kami magkalun-us di ag magkauwaw, manga daut yi kanmi rutay, sinampal waya kami, unman may turunu ulian.

2 Kurintu 11:27

May nalakawan diman aku subra gid pag kakurian hanggan budlay, pirmi unman makaturug, pirmi masyadu pag nalun-usan ag nauwawan. Nakasamit diman sa maramig dapat unman may ikulimpay.

2 Kurintu 12:10

Nakan ngani magbaya diman aku una aku malumuy, una api-apihun, una pakurianan, una unu-unuhun, una lang hintay pag aragwantahun dahil ngani sa kan Kiristu. Dahil nu aku malumuy, ati katpung ngap aku may kabisugan.

2 Kurintu 6:10

Madi maruku-maruku dapat pirmi diman may kabayaan, ga anyu pugri dapat mayamu ngap tawu kanmi pagpayamanun. Ga anyu ud may kaasanan dapat sa kanmi ngap ti tanan bagay.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Ipinakakit 21:3

Nadnugan niku may nagbagaw daka ginan sa tukawan hari magkun, “Taynguna kay ulian Diyus sa karaw-an yi manga tawu. Mangulian siya kaibahan yi nida ag sida kay yi nasyun. Ti Diyus sa kanda yi karaw-an ag siya kanda yi Diyus.

Ipinakakit 7:16

Balaw yi sida lun-usun, unman yi uwawun. Balaw yi sida mainitan, balaw yi sida ga magkapalian init.