Lukas 6:20 - Hanunuu

²⁰ Nagbantay si Hisus sa kay manga tuludluan, bag-u sinabi niya magkun, “Papaladan Diyus kamu pag manga pugri, dahil kamu pagharian Diyus.

Lukas 6:20 Iomraidhean Croise

Kanta 37:16

Ti diit pag magkaapu matadlung mas mayad waya kaysa mayamu pag kayamanan manga daut.

Kabagawan 16:19

Mayad man ti magkabuhi mapinakumbabaun kaibahan ti manga pugri kaysa manhururayan manga tinakawan pag bagay kaibahan ti manga mayabang.

Kabagawan 19:1

Mayad waya ti pugri magpangabuhi matadlung kaysa kurang kay intindi pag tawu marapudil.

Isayas 29:19

Masulung maan ti manga mapinakumbabaun hanggan ti manga pugri dahil sa Panginuun, ti Banal pag Diyus Israil.

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Sipanyas 3:12

Dapat may sawadan aku sa Hirusalim manga tawu pugri ag makuri. Manhagad sida awat sa kangku.

Sakaryas 11:11

Nakan taynguna pag sirang, dinura inda pag taratu. Ag naalaman manga magpabili karanidu magbantay sa kangku may pagsabihun ti Panginuun sa inda pag binwat niku.

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Matiyu 5:1

Pagka nakitan ni Hisus ti kadamlan tawu, nag-atag siya sa bungtud. Siyun pag tinmukaw siya bag-u nagpakarani sa kanya kay manga tuludluan.

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

Lukas 13:28

Ati mamiyak kamu aban, mangubut gid kanyu manga ngipun, nu makakit kamu sa kanda ni Abraham, ni Isaak, ni Hakub hanggan ti tanan manga purupita ati sa kaharian Diyus, kamu bay anung sa luwas di.

Lukas 14:15

Pagka nadnugan inda usa ka kasaru ni Hisus sa karan-an, magkun siya sa kan Hisus, “Masulung ti manga kumaun sa karan-an sa kaharian Diyus.”

Lukas 16:25

“Dapat magkun si Abraham, ‘Anak, isipa dapu nimu. Kawu nu sa babaw waya daga, kanmu nakitan kanmu hinanap pag manga kaayadan. Si Lasaru nu sa babaw waya daga nalakawan yi niya ti kakurian. Dapat taynguna pinakan-an siya kaayadan sitay, kawu maan ti sa makuri.

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

2 Kurintu 6:10

Madi maruku-maruku dapat pirmi diman may kabayaan, ga anyu pugri dapat mayamu ngap tawu kanmi pagpayamanun. Ga anyu ud may kaasanan dapat sa kanmi ngap ti tanan bagay.

2 Kurintu 8:2

Nakalakaw sida masyadu pag kakurian, imaw ti mahigpit pagsubuk sa kanda. Madi sida masyadu pugri, sa daka nida pag kabayaan bukas kanda nalub-anan sa kanda magpakaun.

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

1 Tisalunika 1:6

Nag-ugali kamu naghuwad sa kanmi hanggan sa Panginuun. Tinanggap niyu ti Mayad pag Barita may kabayaan kay ipinakaun Ispiritu Banal sa kanyu, madi nakalakaw diman waydi kamu madala pag kakurian.

2 Tisalunika 1:5

Inda yi ngani ti puruyba tungkul sa kay katadlungan Diyus sa kay pagkilala sa tawu. Kamu kay pagkilalan-un niya kuntay kang-ud hampay tanggapun niya sa kay kaharian, madi taynguna kamu may pag-agwantahun dapu tungkul sa kay kaharian Diyus.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.

Ipinakakit 2:9

Alam niku ti manga subuk kanmu nalakawan. Alam niku kawu pugri, dapat nu sa ungud mayaman ngap kawu. Alam diman niku kawu pagpuyaan manga tawu magpabalhinguun kuntay sida manga Hudiyu dapat nu sa ungud sida manga sakup ngap ni Satanas.

1 Samwil 2:8

Pagbangunun niya ginan sa kakurian ti manga makuri. Pag-ipatukaw niya sida kaibahan manga kilala pag manga tawu bag-u pagdayawun. Siya ti may apu paratukawan kalibutan.