Lukas 6:17 - Hanunuu

¹⁷ Naglus-ug maan si Hisus sa bantud kaibahan niya ti manga apustul. Pagka rinmas-ug sida sa ratag, napaminsan sa kanya ti mayamu pag tuludluan niya. Nagluwang ti kayamuan tawu ginan sa buu Hudiya ag Hirusalim, hanggan ti manga taga Tiru ag Sidun sa baybay dagat.

Lukas 6:17 Iomraidhean Croise

Kanta 103:3

Pagpatawadun niya ti tanan niku kasalanan, ag pagpaayadun niya ti tanan niku mag-adnugan.

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.

Matiyu 12:15

Alam di ni Hisus ti gayak manga Parisiyu nakan nighit siya siyun ginan. Aduk pag tawu ti kinmuyug sa kanya. Kay pinaayad niya ti tanan may manga sakit.

Matiyu 14:14

Pagka dinmugsun si Hisus sa duunduun ati sa baybay, nakitan niya ti kayamuan tawu. Naawa gid siya sa kanda, pinaayad niya ti may manga sakit sa kanda.

Matiyu 15:21

Nighit si Hisus ati ginan, nag-atag siya sa manga rugar arani sa Tiru hanggan Sidun.

Matiyu 5:1

Pagka nakitan ni Hisus ti kadamlan tawu, nag-atag siya sa bungtud. Siyun pag tinmukaw siya bag-u nagpakarani sa kanya kay manga tuludluan.

Lukas 5:15

Dapat lalu nilantag ti barita tungkul sa kan Hisus. Nakan lalu nagtipun ti mayamu pag tawu hampay makadnug, ag hampay paayadun niya kanda manga sakit.

Lukas 6:12

Ati katpung pag sirang, nag-atag si Hisus sa bantud hampay mandarangin. Usa ka yabi sadsad surip nagparargu kay darangin sa Diyus.

Lukas 6:16

si Hudas anak ni Santiyagu, hanggan si Hudas Iskariyuti, imaw ti nagpakampi sa kalaban ni Hisus.

Lukas 6:18

Nag-atag sida sa kan Hisus hampay mamatingi, ag hampay paayadun niya kanda manga sakit. Pinaayad diman ti manga pinakurian labang.