Lukas 6:14 - Hanunuu

¹⁴ Inda ngani ti manga pinili niya: si Simun (binansagan niya Pidru), si Andiris kay patar-ari ni Simun, si Santiyagu, si Huwan, si Pilipi, si Bartulumi,

Lukas 6:14 Iomraidhean Croise

Matiyu 10:2

Inda ti sampulu may duwa ka apustul kanda manga ngaran: un-an si Simun (imaw yi ti pagkumnun si Pidru), bag-u si Andiris kay patar-ari ni Simun, bag-u kay anak ni Sibidiyu si Santiyagu, hanggan kay patar-ari si Huwan,

Matiyu 10:3

bag-u sida ni Pilipi, ni Bartulumi, bag-u si Tumas, bag-u si Matiyu ti manunukut buhis, bag-u si Santiyagu kan Alpiyu anak, bag-u si Tadiyu,

Matiyu 4:18

Sa kay maglakaw sa saruy danaw Galiliya, nakitan ni Hisus si Simun, imaw ti pagkumnun si Pidru, hanggan kay patar-ari si Andiris. Manug-isda sida. Pag-itaplak nida kanda sarap sa danaw.

Matiyu 4:21

Sa kay maglakaw maan ni Hisus, nakitan niya ti duwa waya ka magtar-ari, si Santiyagu hanggan si Huwan kan Sibidiyu manga anak. Sa duunduun sida kaibahan kanda ama si Sibidiyu, pagputikan nida kanda manga sarap. Tinawagan waydi ni Hisus sida.

Markus 1:19

Sa kay maglakaw maan ni Hisus balaw arayu, may nakitan siya duwa maan magtar-ari, si Santiyagu hanggan si Huwan kay manga anak ni Sibidiyu. Sa duunduun sida, pagputikan nida kanda manga sarap.

Markus 1:29

Pagka sida ni Hisus ginan sa simbahan manga Hudiyu, sinmaka sida sa balay nida ni Simun ni Andiris, kuyug hanggan sida ni Santiyagu ni Huwan.

Markus 14:33

Bag-u tinaban niya sida ni Pidru, ni Santiyagu, ni Huwan. Bag-u nanruku siya ag naarimputu sa kay tagipusuun.

Markus 3:16

Inda ngani ti sampulu may duwa ka tawu kay pinili: si Simun, kay binansagan si Pidru,

Markus 5:37

Unman pinasnuan ni Hisus una hintay ti kumuyug sa kanya nu ud sida lang ni Pidru ni Santiyagu hanggan kan Santiyagu patar-ari si Huwan.

Markus 9:2

Pagka nakalawuy unum ka sirang, tinaban ni Hisus si Pidru hanggan sida ni Santiyagu ni Huwan. Sida upat nag-atag sa bantud abwat. Pagka sida siyun nakitan nida nagtuhay kay histuda ni Hisus.

Lukas 5:10

Naglingut diman hanggan kay manga anak ni Sibidiyu sida ni Santiyagu ag ni Huwan kay manga kaibahan. Sinabi ni Hisus sa kan Simun, “Danga magkadala kawu, dahil taynguna ginan manugtaban yi kawu sa manga tawu.”

Lukas 5:8

Pagka nakitan ni Simun Pidru ti nangyari, nagluhud siya sa atubangan ni Hisus ag magkun, “Pagpakarayu duy kawu Panginuun sa kangku ginan, dahil makasalanan aku.”

Lukas 6:13

Pagka surip yi, bin-ul niya kay manga tuludluan, nagpili siya sampulu may duwa, iningarnan niya manga apustul.

Lukas 6:15

si Matiyu, si Tumas, si Santiyagu kan Alpiyu anak, si Simun (imaw ti pagsabihun makabayan),

Huwan 1:45

Nakitan maan ni Pilipi si Natanail. Bag-u sinabi ni Pilipi sa kanya magkun, “Nakabtaan nimi si Hisus taga Nasarit kay anak ni Husi. Imaw ti pagturunuhun ni Muysis sa kay isinurat sa Kasuguan, siya diman waydi hanggan ti pagturunuhun manga purupita.”

Huwan 14:8

Sinabi ni Pilipi sa kan Hisus magkun, “Panginuun, ipakakit nimu sa kanmi ti Ama. Tida lang mana duy kanmi kailangan.”

Huwan 6:5

Pagka nagbantay si Hisus, nakitan niya ti kadamlan tawu magpakarani sa kanya. Nakan pinmaingana siya sa kan Pilipi magkun, “Naan pag makabili kita karan-unun kang-ud hampay ipakaun sa tunda pag manga tawu tanan-tanan?”

Huwan 6:8

Ti usa ka tuludluan niya, si Andiris, kan Simun Pidru patar-ari, nagsabi sa kan Hisus magkun,

Binwat 1:13

Pagka rinmas-ug yi sida sa banwa Hirusalim, nagsaka sida sa kanda dinayunan pag balay sa sulud-sulud sa ikadwa pag ugpu salug. Sida ngani ni Pidru, ni Huwan, ni Santiyagu, ni Andiris hanggan sida ni Pilipi, ni Tumas, sida ni Bartulumi, ni Matiyu hanggan si Santiyagu kan Alpiyu anak, si Simun (imaw ti pagsabihun makabayan), hanggan si Hudas kan Santiyagu anak.

Binwat 12:2

Ipinalibun niya kan Huwan patar-ari si Santiyagu.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.