Lukas 6:13 - Hanunuu

¹³ Pagka surip yi, bin-ul niya kay manga tuludluan, nagpili siya sampulu may duwa, iningarnan niya manga apustul.

Lukas 6:13 Iomraidhean Croise

Matiyu 10:2

Inda ti sampulu may duwa ka apustul kanda manga ngaran: un-an si Simun (imaw yi ti pagkumnun si Pidru), bag-u si Andiris kay patar-ari ni Simun, bag-u kay anak ni Sibidiyu si Santiyagu, hanggan kay patar-ari si Huwan,

Matiyu 19:28

Sinabi ni Hisus sa kanda magkun, “Ungud duy kang pagsabihun sa kanyu, nu aku, ti Anak Tawu, tumukaw yi aban sa karampatan maghari sa bag-u pag daga, kamu pag sampulu may duwa ti nagkuyug sa kangku, makatukaw diman waydi sa karampatan hampay makapihu sa sampulu may duwa ka linahi Israil nu daut nu mayad.

Matiyu 9:36

Pagka nakitan niya ti duru gid pag manga tawu, naawa siya sa kanda dahil sida magkaaburidu unman may manuggiya, ga manga karanidu unman may manug-alaga.

Markus 6:30

Pagka nuli maan kay manga apustul ni Hisus, itinultul nida sa kanya ti tanan nida binwat ag itinudlu.

Markus 6:7

Tinipun ni Hisus kay sampulu may duwa ka tuludluan bag-u kay sinugu niya sida tigudwa tigudwa ag pinakan-an niya sida kamaskihan laban sa manga labang.

Lukas 11:49

Nakan ngani magkun ti Diyus angay sa sadili kadunungan, ‘Sumugu aku manga purupita, manga manugtudlu sa kanda. Ti iba kanda matyun, kay iba unu-unuhun.’

Lukas 22:30

Nu maghari yi aban aku kamu kumaun sa kang lamak ag uminum. Kamu aban tumukaw sa manga tukawan hari, bistahun niyu ti sampulu may duwa ka linahi ni Israil.”

Lukas 6:14

Inda ngani ti manga pinili niya: si Simun (binansagan niya Pidru), si Andiris kay patar-ari ni Simun, si Santiyagu, si Huwan, si Pilipi, si Bartulumi,

Huwan 4:33

Nakan magharampangan kay manga tuludluan magkun, “May nagtibu aw nguna karan-unun sa kanya?”

Binwat 1:13

Pagka rinmas-ug yi sida sa banwa Hirusalim, nagsaka sida sa kanda dinayunan pag balay sa sulud-sulud sa ikadwa pag ugpu salug. Sida ngani ni Pidru, ni Huwan, ni Santiyagu, ni Andiris hanggan sida ni Pilipi, ni Tumas, sida ni Bartulumi, ni Matiyu hanggan si Santiyagu kan Alpiyu anak, si Simun (imaw ti pagsabihun makabayan), hanggan si Hudas kan Santiyagu anak.

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

Ipisu 4:11

Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

Hibriyu 3:1

Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

2 Pidru 3:2

Isipa niyu ti manga binagaw kaybi manga purupita lubus napasakup sa Diyus. Isipa diman ti ibinilin nita Panginuun imaw ngani ti Manugribri. Tunda pag manga ibinilin nadnugan niyu ginan sa kanyu manga apustul.

Ipinakakit 12:1

Bag-u may nakitan maan aku usa ka makadululaw pag tanda sa langit, ti usa ka babayi kay pinagkalambung init, matindugan sa bulan. Sampulu may duwa ka pamgasan ti pinagkasangbaw sa kay ulu.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 21:14

Ti alad batu sa sangput banwa may sampulu may duwa ka patakinan pag batu. May surat ti kada usa ka patakinan pag batu, tigus-a ka ngaran sampulu may duwa ka apustul Anak Karanidu.