Lukas 5:8 - Hanunuu

⁸ Pagka nakitan ni Simun Pidru ti nangyari, nagluhud siya sa atubangan ni Hisus ag magkun, “Pagpakarayu duy kawu Panginuun sa kangku ginan, dahil makasalanan aku.”

Lukas 5:8 Iomraidhean Croise

2 Samwil 6:9

Sa tunda diman pag sirang, nadala si Dabid sa Panginuun ag kay sinabi, “Kabitay madara atag sa kang banwa ti Kaban Panginuun?”

1 Hari 17:18

Magkun ti babayi sa kan Ilyas, “Unu duy ti pag-ikagalit nimu sa kangku, manugsirbi Diyus? Nangataytag aw duy kawu sitay hampay matyun kang anak bilang parusa sa kang manga kasalanan?”

Hub 40:4

“Balaw aku dapat sumagut sa kanmu. Unu ti isagut niku? Balaw yi lang aku mangingay.

Pag-ighit 20:19

magkumun sa kan Muysis, “Kawu yi lang ti pagbagaw sa kanmi ag mamatingi kami, danga yi lang ti Diyus, barang mamatay kami.”

Isayas 6:5

Magkun aku, “Kaawaawa aku! Pihu gid midamhak aku, dahil makasalanan kang bibig ag mag-ulian aku minsan sa manga tawu makasalanan diman kay bibig. Kainda nakitan niku ti Hari, ti Panginuun Makamaskihan.”

Matiyu 17:6

Pagka nakadnug ti manga tuludluan tunda pag bagaw, napadapa sida sa daga ag lubus sida nadala.

Matiyu 2:11

Pagka nagsaka sida sa balay, nakitan nida ti anak hanggan kay ina si Marya. Nagyuk-ub sida nagsamba sa anak. Pagka binukasan nida kanda kayamanan, ipinakaun nida sa kanya kanda dara gintu, kamangyan hanggan mira.

Matiyu 8:8

Dapat ay nagsagut ti kapitan magkun, “Duy, unman aku may karampatan magpaati sa kanmu atag sa kang balay. Bagawa yi lang nimu bag-u umayad yi kang suruguun.

Lukas 5:7

Pinaypayan nida kanda manga kaibahan sa usa ka duunduun hampay awatan sida. Nagpakarani ngani sida, napnu ti duwa ka duunduun nagliing yi sa buyat isda.

Lukas 5:9

Siya hanggan kay tanan manga kaibahan naglingut gid dahil masyadu mayamu kanda nablay isda.

Huwan 11:32

Dapat nag-ati ngani si Marya sa kay mapat-ungan ni Hisus. Pagka nakitan niya si Hisus, napayuk-ub siya sa kay atubangan magkun, “Nu sitay lang kawu duy, Panginuun, unman mana namatay kang patar-ari.”

1 Kurintu 13:12

Dahil nu kainda di waya baliwa, malamun sa kanta maghiling ga sa usa ka salamin. Dapat aban makitan yi nita sa mata. Kainda udwaya lubus aku makakilala, dapat aban makilala yi ngapu niku, parihu sa kay magkilala Diyus sa kangku.

Ipinakakit 1:17

Pagka nakitan niku siya, naplid aku kadaka ga namatay yi sa kay atubangan. Dapat ay kay kinup-an aku niya sikun pag kamang bag-u kay sinabi magkun, “Danga duy kawu magkadala. Aku ti gimpuunan, aku diman ti masawad.

Talaghusay 13:22

Magkun si Manwa sa kay asawa, “Pihu gid mamatay kita dahil nakitan nita ti Diyus.”

1 Samwil 6:20

Nagpaingana sida, “Si unu lugud ti makaatubang sa kadayawan Panginuun, ti banal pag Diyus? Naan nguna nita pag ipadara ti Kaban Panginuun hampay maipakarayu sa kanta?”