Lukas 5:35 - Hanunuu

³⁵ Dapat aban bul-un siya ginan sa kanda. Nu udyi siya sa kanda bag-u di sida unman humandum karan-unun.”

Lukas 5:35 Iomraidhean Croise

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Danyil 9:26

Pagkalawuy 434 ka timpu, matyun ti pinili Diyus pag takinan ag unman may mangawat sa kanya. Rumas-ug ti usa ka hari ag dautun niya manga tawuhan ti banwa hanggan ti Balay Diyus. Ag angay sa itinagka Diyus, ti pagwayak ag paggira pumarargu tugka sa katapusan. Ti katapusan rumas-ug ga baha.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Matiyu 9:15

Sinmagut si Hisus magkun, “Mahimu aw nguna maruku ti binan-awan sa pamasaruhan nu kaibahan waya nida ti lalaki ipinasaru? Dapat aban bul-un siya ginan sa kanda. Nu udyi siya sa kanda bag-u di unman manhandum karan-unun sida.

Markus 2:20

Dapat nu aban bul-un yi siya ginan sa kanda, bag-u di unman sida humandum karan-unun, nu udyi siya sa kanda.

Lukas 17:22

Bag-u sinabi ni Hisus sa kay manga tuludluan magkun, “Aban pumatigagad yi gid kamu sa kangku, sa Anak Tawu, hampay makitan niyu kay kaudasan.

Lukas 5:34

Nagsagut si Hisus, “Mahimu aw nguna unman maghandum karan-unun ti manga binan-awan sa pamasaruhan nu kaibahan waya nida ti lalaki ipinasaru?

Lukas 5:36

Itinultul ni Hisus inda pag pahalimbawa magkun, “Unman may maggitas bag-u lambung ilupun sa daan, dahil nu tida kay buwatun, dinaut niya kay bag-u lambung. Ti bag-u panlupun dayu diman umangay sa daan.

Huwan 12:8

Dahil pirmi di sa kanyu ti manga pugri, dapat aku aban udyi dugay kaibahan niyu.”

Huwan 13:33

Manga anak, aku duy balaw yi dumugay sa kanyu. Hanapun gid niyu aku aban. Dapat pagsabihun niku taynguna parihu diman sa kang sinabi sitay sa manga pinunu Hudiyu magkun, kamu dayu makaati sa atihan niku.

Huwan 16:28

Ginan aku sa Ama nagsitay sa kalibutan. Bag-u tayakan maan niku ti kalibutan, atabug maan sa Ama.”

Binwat 1:9

Pagka sinabi ni Hisus tunda, sa kanda gin atubangan dinara siya atag tungud, nakublian siya rurum udyi mag-akitan nida mata.

Binwat 14:23

Sa kada iglisya nagpili sida ni Pablu manga manug-asiwa para sa kanda. Bag-u nagpauray sida sa darangin, kanda iinintirga ti manga manug-asiwa sa Panginuun imaw kanda pagsarigan.

Binwat 3:21

Kailangan mag-alagad dap si Hisus sa langit hanggan sa udwaya bag-uhun Diyus ti tanan pag manga bagay. Imaw ngani kay binagaw Diyus kaybi di waya ipinadakit yi manga purupita.

1 Kurintu 7:5

Danga mag-irirangan ti mag-asawa, purya lang sa kanyu taratuhan nu pira ka sirang agud makapadugay kamu sa darangin, bag-u magmirinsanan maan kamu, barang kamu matuksu ni Satanas nu udyi kamu makabata.

2 Kurintu 11:27

May nalakawan diman aku subra gid pag kakurian hanggan budlay, pirmi unman makaturug, pirmi masyadu pag nalun-usan ag nauwawan. Nakasamit diman sa maramig dapat unman may ikulimpay.