Lukas 5:24 - Hanunuu

²⁴ Ipakakit niku sa kanyu ti puruyba hampay maalaman niyu ti Anak Tawu may kamaskihan sitay sa babaw daga makapatawad sa tawu may kasalanan.” Bag-u sinabi niya sa tawu lunu magkun, “Pagsabihun niku sa kanmu, pagtindug yi duy kawu, daran-a kanmu igyaan, pag-uli yi kawu sa kanmu balay.”

Lukas 5:24 Iomraidhean Croise

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Danyil 7:13

“Bag-u nakitan niku ti ga anyu tawu sinangputan rurum. Nagpakarani siya sa Diyus Buhi unman may Katapusan.

Matiyu 16:13

Sa kay pagras-ug ni Hisus sa banwa Sisariya Pilipus, pinaingana niya kay manga tuludluan magkun, “Hintay ti hantup manga tawu nu si unu ti Anak Tawu?”

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Matiyu 26:64

Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Matiyu 9:6

Taynguna patutuuhanan niku sa kanyu sa panab-anan pagpaayad sa tunda pag tawu lunu kuntay aku ti Anak Tawu may kamaskihan sitay sa babaw daga agud patawadun ti manga may kasalanan.” Bag-u sinabi niya sa tawu lunu, “Pagtindug yi kawu daran-a yi kanmu igyaan, pag-uli yi kawu.”

Lukas 5:13

Ikinupa ni Hisus kay kamang sa kanya, magkun, “Gustu ngani niku duy, pagmaayadan yi kawu sa kanmu sakit sa lukub.” Kadaka nabul-an siya sakit sa lukub.

Lukas 5:18

May manga tawu nagdara ti usa ka lalaki lunu sa duyan. Pinilit mana nida ipasaka siya sa balay, ibugtang mana sa atubangan ni Hisus.

Lukas 5:23

Hintay nguna ti lalu malpus sabihun ngatay, ‘Ipinatawad yi kanmu manga kasalanan’, aw ngatay ‘Pagtindug kawu paglakaw yi.’

Lukas 7:14

Nagpakarani si Hisus, kinup-an niya ti saputan bangkay, pinmat-ung ti manga manugyayung. Bag-u sinabi ni Hisus, “Kawu pag kan-akan, kang pagsabihun sa kanmu, pagbangun yi kawu.”

Lukas 8:54

Pagka nahiyaptan niya kay kamang anak nagtawag si Hisus magkun, “Duy anak, pagbangun yi kawu.”

Huwan 11:43

Pagka sinabi ni Hisus katida, ainalsa niya kay busis magkun, “Lasaru, pagluwas yi kawu.”

Huwan 17:2

Dahil ipinasirung nimu ti tanan-tanan sa kapangyarihan Anak hampay pakan-an niya tutuu pag buhi unman may katapusan ti tanan tawu kanmu iinintirga sa kanya.

Huwan 3:13

Unman may tawu nakaati sa langit, purya lang ti Anak Tawu, imaw ti nagsitay ginan sa langit.

Huwan 5:27

Pinakan-an niya ti Anak karampatan makapihu sa tawu nu daut nu mayad, dahil siya ti Anak Tawu.

Binwat 14:10

“Pagtindug yi duy kawu kalawis.” Tinmindug siya, rargu nag-utbaw bag-u naglakaw-lakaw.

Binwat 5:31

Pinakan-an si Hisus kadayawan, ipinatukaw siya Diyus sa kay sikun baliwa minsan sa kay karampatan maghari. Nakan si Hisus yi ngani ti Takinan hanggan Manugribri hampay pakan-an rugar ti nasyun Israil makaampu sa kanda manga kasalanan ag makahagad kapatawadan sa Diyus, agud sida patawadun.

Binwat 9:34

Bag-u sinabi ni Pidru sa kanya, “Iniyas, pagpaayadun yi kawu kainda ni Hisu-Kiristu. Pagbangun yi kawu, luhuta yi kanmu amak.” Susun tinmindug yi ngani si Iniyas.

Binwat 9:40

Ipinalwas dapu ni Pidru sida tanan bag-u siya linmuhud nandarangin. Bag-u nag-atubang siya sa bangkay kay sinabi magkun, “Tabita, pagbangun yi duy kawu.” Minmuklat yi ngani kan Tabita manga mata. Pagka nakitan niya si Pidru, siya tinmukaw.

Ipinakakit 1:13

May matindugan sa karaw-an pitu ka sulu kay histuda ga anyu tawu nakalambung aba sadsad sa raprapa, may huragkus gintu sa kay dubdub.