Lukas 5:19 - Hanunuu

¹⁹ Sa unman may nakitan sida lakawan dahil sa kayamuan tawu, bag-u sida nagdayik sa atup linukaban nida diit bag-u itinuntun nida ti lunu sa basad duyan, bag-u pinadna siya sa karaw-an manga tawu sa atubangan ni Hisus.

Lukas 5:19 Iomraidhean Croise

2 Samwil 11:2

Magkamalambung yi tunda katpung, binmangun si Dabid ag nanlakaw-lakaw sa babaw atup balay hari. Habang magbantay siya tag sa sirung, may nakitan siya usa ka marinu pag babayi magparigus.

Hirimyas 19:13

Ti tanan balay sa Hirusalim, hanggan ti manga balay hari sa Huda kilalan-un mauring parihu sa Tupit. Dahil sa babaw atup manga balay magtuub sida manga kamangyan para sa kanda diyus manga pamgasan, ag maghandug manga irinmun para sa iba waya pag manga diyus.’ ”

Matiyu 10:27

Ti kang pagsabihun sa kanyu sa madulum, itultul maan niyu sa marayaw. Ti iyinanas sa kanyu kailangan kanyu maan ipahayag hampay mag-adnugan tanan tawu.

Matiyu 24:17

Ti sa luwas danga yi mag-isip mam-ul waya manga butang sa sulud balay.

Markus 2:4

Pagka unman sida makapakarani sa kan Hisus dahil sa kayamuan tawu, linukaban nida ti atup sa kay tungud ni Hisus. Pagka linukaban yi bag-u kanda itinuntun ti tawu lunu sa basad duyan.

Diyuturunumiyu 22:8

“Nu mamatindug kamu balay, kailangan paulian niyu alad ti sangput maratag pag atup, hampay balaw kamu may saragtun nu may malagpak ginan sa kanyu atup ag mamatay.

1 Samwil 9:25

Pagka sida naglus-ug yi ginan sa kanda simbahan sa abwat pag rugar atabug sa banwa, inalistu nida kan Saul igyaan sa babaw atup sa kan Samwil pag dayunan pag balay.