Lukas 5:18 - Hanunuu

¹⁸ May manga tawu nagdara ti usa ka lalaki lunu sa duyan. Pinilit mana nida ipasaka siya sa balay, ibugtang mana sa atubangan ni Hisus.

Lukas 5:18 Iomraidhean Croise

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Lukas 5:24

Ipakakit niku sa kanyu ti puruyba hampay maalaman niyu ti Anak Tawu may kamaskihan sitay sa babaw daga makapatawad sa tawu may kasalanan.” Bag-u sinabi niya sa tawu lunu magkun, “Pagsabihun niku sa kanmu, pagtindug yi duy kawu, daran-a kanmu igyaan, pag-uli yi kawu sa kanmu balay.”

Binwat 9:33

Pagka ati si Pidru sa Lida, may nakitan siya usa ka lalaki kay ngaran si Iniyas. Pilay tunda pag tawu. Sulud walu yi ka timpu maigyaan siya sa amak.