Lukas 5:17 - Hanunuu

¹⁷ Pagka dugay nagtudlu maan si Hisus. May manga matukawan ati manga Parisiyu hanggan manga manugtudlu Kasuguan, nagluwang sida ginan sa kada banwa sa Galiliya hanggan Hudiya ag hanggan ginan sa Hirusalim. Ti kapangyarihan Panginuun lubus sa kan Hisus hampay paayadun ti may manga sakit.

Lukas 5:17 Iomraidhean Croise

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 15:1

Pagka dugay may nagluwang tag sa kan Hisus manga Parisiyu hanggan manga manugtudlu Kasuguan ginan sa Hirusalim. Kanda pinaingana si Hisus magkun,

Markus 1:45

Dapat ay pagka siya linmakaw yi, lalu ngap niya itinultul sa mayamu pag tawu nu kabitay siya pag pinaayad ni Hisus. Nakan unman yi makasulud si Hisus sa banwa, ati lang siya sa luwas banwa sa manga rugar pangawakawaan tawu. Nag-ati diman ti manga tawu sa kan Hisus una ginan sa arayu una ginan sa arani.

Markus 16:18

Balaw sida maunu una humiyaput sa ulay, una uminum sa makahilu. Umayad ti may manga sakit nu kup-an nida manga kamang.”

Markus 3:22

Bag-u may manga manugtudlu Kasuguan naglus-ug ginan sa Hirusalim magkun, “Inapuan siya ni Biilsibul. Hari manga labang ti nagpakaun kapangyarihan sa kanya hampay makapalwas manga labang.”

Markus 5:30

Pagka naramdaman ni Hisus may ginmamit kay kamaskihan, kadaka napasrangu siya tag sa manga tawu magkun,

Markus 7:1

May nagluwang tag sa kan Hisus manga Parisiyu hanggan manga manugtudlu Kasuguan ginan sa Hirusalim.

Lukas 15:2

Ti manga Parisiyu hanggan manga manugtudlu Kasuguan nanrayansan magkun, “Inda pag tawu maaw matinanggapun sa manga makasalanan ag magsaru sa kanda.”

Lukas 2:46

Sa ikatlu pag sirang, bag-u di kanda nakitan si Hisus sa Balay Diyus, matukawan sa karaw-an manga manugtudlu Kasuguan. Magpatingi siya sa kanda, magpaingana waya.

Lukas 5:21

Dapat ti manga manugtudlu Kasuguan hanggan ti manga Parisiyu nanharampangan yi magkun, “Hintay nguna inda pag tawu, hayga palabi-labihun siya sa Diyus? Unman may makapatawad sa kasalanan nu unman ti Diyus lang.”

Lukas 5:30

Ti manga Parisiyu hanggan manga manugtudlu Kasuguan nagsungyaw sa kay manga tuludluan ni Hisus magkun, “Hayga duy kamu magkaun mag-inum minsan sa manga manunukut buhis hanggan sa manga makasalanan?”

Lukas 6:19

Nandurutdutan ti kayamuan tawu hampay makaigpil sida sa kan Hisus dahil may kapangyarihan ginan sa kanya magpaayad sa kanda tanan.

Lukas 7:30

Dapat ti manga Parisiyu hanggan ti manga manugtudlu Kasuguan nagpalamada lang sa turunu Diyus, unman napatulbaw sa kan Huwan.

Lukas 8:46

Dapat sinabi ni Hisus, “May inmigpil sa kangku, dahil naungdan niku may ginmamit kang kamaskihan.”

Huwan 3:10

Sinmagut si Hisus magkun, “Kawu duy kabay manugtudlu sa Israil? Hayga unman magkasalman nimu inda pag manga katutuuhanan?

Huwan 3:21

Dapat ti tawu nu nag-ugali siya sa katutuuhanan, pumakarani ngap sa karayawan hampay makilala kay manga buruwatun angay sa kay pakiusa sa Diyus.”

Binwat 19:11

Pinakan-an Diyus si Pablu kamaskihan hampay makabuwat siya balaw basta pag manga makadululaw.

Binwat 4:30

Ipakakit nimu kanmu kamaskihan sa kanmu magpaayad sa may manga sakit. Pagsa kanmi ti kamaskihan ngaran ni Hisus kanmu banal pag Suruguun hampay makabuwat kami manga makadululaw ag lilingutan pag manga tanda.”

Binwat 5:34

Dapat may Parisiyu siyun, usa diman ka Pinunu, kay ngaran si Gamalyil. Manugtudlu siya Kasuguan, paggalangun tanan manga tawu. Nagsabi si Gamalyil palwasan dapu ti manga apustul.