Lukas 5:14 - Hanunuu

¹⁴ Nagbilin si Hisus sa kanya, “Danga pagsabiha nimu inda una sa kantapu pag tawu. Pag-ati kawu pagpakakit kawu sa manughandug. Bag-u pagdara kawu hayup handug sa Diyus angay sa kay bilin ni Muysis, bilang usa ka puruyba sa manga tawu nag-ayad yi kawu.”

Lukas 5:14 Iomraidhean Croise

Libitiku 13:2

Nu ti lukub usa ka tawu magkabaga, maglimutyug ngatay maglagti tanda dilikadu pag sakit sa lukub, kailangan daran-un tunda pag tawu sa kan Aarun ngatay sa usa ka manughandug lahi ni Aarun.

Matiyu 10:18

Dahil sa kanyu magpasakup sa kangku, ipaatubang kamu sa manga gubirnadur hanggan sa manga hari hampay tumultul kamu tungkul sa kangku sa atubangan nida hanggan sa manga balaw Hudiyu.

Matiyu 12:16

Dapat kay ibinandu sa manga tawu kay pinaayad magkun, “Danga patultulan sa iba nu si unu aku.”

Matiyu 8:4

Binilinan siya ni Hisus magkun, “Danga pagsabiha nimu inda una sa kantapu pag tawu. Pag-atag kawu, pagpakakit kawu sa manughandug. Bag-u pagpakaun kawu handug sa Diyus angay sa kay ibinilin ni Muysis, bilang usa ka puruyba sa manga tawu nag-ayad yi kawu.”

Matiyu 9:30

Bag-u maghiling yi ngani sida. Mahigpit kay binilinan sida magkun, “Danga pagsabiha niyu inda una sa kantapu pag tawu.”

Markus 1:44

“Danga pagsabiha nimu inda una sa kantapu pag tawu. Pag-atag kawu pagpakakit sa manughandug. Bag-u paghandug kawu sa Diyus usa ka hayup minatay angay sa kay ibinilin ni Muysis, bilang usa ka puruyba sa manga tawu nag-ayad yi kawu.”

Markus 6:11

Ag una naan pag banwa nu dayu kamu tanggapun hanggan patingihan, pag-ighit yi kamu siyun ginan, pagpaga ti galbuk ginan sa kanyu raprapa bilang paandam sa kanda magdayu sa Diyus.”

Lukas 17:14

Pagka nakitan niya sida, sinabi ni Hisus sa kanda, “Pag-ati yi kamu pakakit sa manga manughandug.” Maglakaw di waya sida rargu naayadan kanda dilikadu pag sakit sa lukub.

Lukas 5:13

Ikinupa ni Hisus kay kamang sa kanya, magkun, “Gustu ngani niku duy, pagmaayadan yi kawu sa kanmu sakit sa lukub.” Kadaka nabul-an siya sakit sa lukub.

Lukas 9:5

Una naan pag banwa nu unman pagtanggapun kamu manga tawu, pag-ighit yi kamu siyun ginan, pagpaga niyu ti galbuk ginan sa kanyu manga lulud bilang puruyba sa kanda magdayu sa Diyus.”