Lukas 4:8 - Hanunuu

⁸ Sinabi ni Hisus, “Nakasurat sa Banal Kasuratan magkun, ‘Sambahun nimu ti Diyus, imaw kanmu Panginuun, siya lang ti dapat nimu sirbihan.’”

Lukas 4:8 Iomraidhean Croise

2 Hari 19:15

Bag-u nandarangin siya, “Panginuun, Diyus Israil matukawan sa tukawan hari sa karaw-an manga kirubin, kawu lang ti Diyus sa tanan kaharian sitay sa kalibutan. Linalang nimu ti kalangitan hanggan ti kalibutan.

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Isayas 2:11

Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Matiyu 16:23

Napasrangu si Hisus sa kan Pidru magkun, “Pagpakarayu yi kawu, Satanas! Mag-ampara kawu sa kang turunu. Ti kanmu pag-isipun bukun angay sa Diyus nu unman angay lang sa tawu.”

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Lukas 4:4

Sinabi ni Hisus, “Nakasurat sa Banal Kasuratan magkun, ‘Balaw lang sa karan-unun pag mabuhi ti tawu.’”

Lukas 4:7

Nakan ngani nu kawu sumamba sa kangku, sa kanmu yi tabug tanan-tanan tunda.”

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 6:13

“Galanga niyu ti Panginuun niyu Diyus; siya lang gid kanyu sirbihan ag pagtaratu kamu sa kay lang ngaran.

Santiyagu 4:7

Nakan ngani pagpasakup kamu sa Diyus. Labani niyu ti diyablu, bag-u pumakarayu yi siya ginan sa kanyu.

1 Pidru 5:9

Danga gid kamu magpatalu sa kanya. Pagpakarig-un kamu sa kanyu pagsarig sa Diyus. Naalaman diman ngani niyu, balaw lang kamu ti may pag-agwantahun katida pag kakurian. Hanggan kanyu manga patar-ari sa buu kalibutan may pag-agwantahun diman waydi.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 22:9

Dapat sinabi niya sa kangku magkun, “Danga duy, aku hanggan suruguun parihu sa kanmu, parihu sa kanmu manga patar-ari manga nagpurupita, parihu diman sa tanan manga magpaniwala sa manga bagaw nisurat sa inda pag ribru. Sambahun nimu ti Diyus.”

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”