Lukas 4:6 - Hanunuu

⁶ Bag-u sinabi diyablu sa kanya, “Ipakaun niku sa kanmu ti tanan kapangyarihan tunda hanggan kay kadayawan, dahil ipinakaun tunda sa kangku. Kang maan ipakaun una sa kantapu kang magustuhan.

Lukas 4:6 Iomraidhean Croise

Istir 5:11

Ipinayabang niya sa kanda kay kasiyunan hanggan kay manga anak, hanggan ti tanan ipinakaun hari pag katungkulan sa kanya, ti pinakaabwat pag katungkulan sa tanan takinan ag sa iba waya pag manugsirbi hari.

Isayas 23:9

Ti Panginuun Makamaskihan ti may gayak inda hampay iababa ti magpadayaw sa kay kapangyarihan hanggan ti manga pagkilalan-un bantug sa buu kalibutan.

Isayas 5:14

Magkabukas yi maluang ti kalubngan. Pag-alagdun maipaslud sa kanya ti manga kilala ag makapangyarihan pag nasakupan Hirusalim, hanggan ti manga nasakupan mag-iringayan ag magbarayaan.

Lukas 4:7

Nakan ngani nu kawu sumamba sa kangku, sa kanmu yi tabug tanan-tanan tunda.”

Huwan 12:31

Taynguna yi ti kaudasan hampay pihuun Diyus ti manga tawu sa babaw daga nu daut nu mayad. Taynguna tulakun yi tag sa luwas ti pangulu inda pag kalibutan.

Huwan 14:30

Udyi aku may rugar hampay maghampang waya sa kanyu dugay, dahil sab arani yi ti pangulu kalibutan. Unman may mabuwat siya sa kangku nu unman pahintulutan Ama.

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

2 Kurintu 11:14

Unman waydi kailangan paglingutan nita tunda. Dahil una si Satanas madunung magpanaguabi kuntay siya anghil karayawan.

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

1 Pidru 1:24

Angay sa nisurat sa Banal Kasuratan magkun, “Ti tanan pag manga tawu parihu sa ilamnun, parihu ga sa busang ilamnun kanda rinu. Ti ilamnun magkarubay, magkarugnas kay busang.

1 Huwan 5:19

Magkaalaman nita kita nianak Diyus, dapat ti bilug kalibutan sakup di kapangyarihan ni Satanas.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:2

Ti hayup malangas parihu ga liyupardu pag hayup kay histuda, may manga lulud parihu ga lulud usu pag hayup. May bibig bilang ga bibig liyun. Ipinakaun daragun sa hayup malangas kay sadili pag kapangyarihan, kay pagkahari hanggan kay daka gid pag karampatan.

Ipinakakit 13:7

Pinahintulutan diman siya hampay girahun taluhun ti manga napasakup sa Diyus. Pinakan-an siya karampatan mamahala sa kada linahi, sa kada kalasi tawu, sa kada pamagaw, sa kada nasyun tawu.