Lukas 4:43 - Hanunuu

⁴³ Dapat ay sinabi niya sa kanda, “Kailangan diman iadal niku sa manga iba banwa ti Mayad pag Barita tungkul sa paghari Diyus, dahil imaw ti isinugu Ama sa kangku.”

Lukas 4:43 Iomraidhean Croise

Isayas 48:16

Pagpakarani kamu sa kangku ag patingihi inda: Ginan di waya sa umpisa unman aku nagbagaw sa lihim, sa udas nangyari ti pagsabihun niku, asan di aku.” Ag taynguna ti Panginuun Diyus hanggan kay Ispiritu nagpadara sa kangku hampay itultul kay bagaw:

Matiyu 4:23

Pinalibut ni Hisus ti buu daga Galiliya, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Markus 1:35

Nagbangun si Hisus abasad waya ti yabi, nagluwas siya sa balay, nag-atag sa rugar pangawakawaan tawu hampay magdarangin.

Huwan 20:21

Sinabi maan ni Hisus sa kanda magkun, “Pagmay kahusayan duy kamu. Parihu sa kay nagsugu Ama sa kangku, katunda diman waydi pagsuguun niku kamu tabug sa manga tawu taga kalibutan.”

Huwan 9:4

Ti Ama ti nagsugu sa kangku, nakan hanggan may sirang waya kailangan tupadun nita ti buruwatun niya. Nu bay yabi yi aban, udyi may makabuwat una si unu pag tawu.

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.