Lukas 4:41 - Hanunuu

⁴¹ Nanlinuwas diman ti manga labang sa mayamu tawu, nanringgit magkun, “Kawu ti Anak Diyus!” Dapat sinabihan maan niya ti manga labang danga yi mag-ingay, dahil alam nida siya ti Pinili Diyus Manugribri pag Hari.

Lukas 4:41 Iomraidhean Croise

Matiyu 26:63

Dapat unman nag-ingay si Hisus. Bag-u magkun ti pangulu manughandug sa kan Hisus, “Sa ngaran Diyus buhi, kang pag-ibilin sa kanmu, sabiha nimu sa kanmi, nu tutuu kawu ti Pinili Diyus Manugribri pag Hari, ti Anak Diyus.”

Matiyu 4:3

Nagpakarani yi ti manugtuksu, magkun sa kan Hisus, “Nu kawu ungud ti Anak Diyus, bagawi tunda pag manga batu hampay bumaliw tinapay.”

Matiyu 8:16

Tunda pag yabi mayamu tawu sinuldan manga labang ti dinara tag sa kan Hisus. Usa lang ka pagbagaw ni Hisus, nagluwas yi ti manga labang. Pinaayad niya ti tanan may mag-adnugan sa kay bilug.

Matiyu 8:29

Nagringgit sida magkun, “Hintay kanmu labut sa kanmi, kawu pag Anak Diyus? Nagsitay aw lugud kawu hampay kami kanmu pakurian una udwaya udas sintinsiya?”

Matiyu 8:4

Binilinan siya ni Hisus magkun, “Danga pagsabiha nimu inda una sa kantapu pag tawu. Pag-atag kawu, pagpakakit kawu sa manughandug. Bag-u pagpakaun kawu handug sa Diyus angay sa kay ibinilin ni Muysis, bilang usa ka puruyba sa manga tawu nag-ayad yi kawu.”

Markus 1:25

Sinungyaw ni Hisus ti labang magkun, “Danga mag-ingay, pagluwas yi kawu ginan sa kanya.”

Markus 1:32

Tunda pag malambung, pagka nisalup yi ti init dinara manga tawu tag sa kan Hisus ti tanan may manga sakit hanggan ti manga inapuan labang.

Markus 1:34

Nagpaayad si Hisus sa mayamu pag tawu may mag-adnugan tuhay-tuhay pag sakit, mayamu diman pag manga labang kay ipinalwas ginan sa manga tawu. Unman pinahintulutan niya ti manga labang magbagaw, dahil nakilala nida siya.

Markus 3:11

Pagka nakitan si Hisus manga tawu inapuan labang, napadapa sida sa kay atubangan, nagringgit magkun, “Kawu ti Anak Diyus.”

Lukas 4:39

Dinulud ni Hisus ti babayi, sinungyaw niya ti ramig, rargu nahumpawan yi siya ramig. Pagka nahumpawan yi kay ramig, nagbangun siya, rargu nangapuy kanda karan-unun.

Huwan 20:31

Dapat inda kang isinurat hampay kamu magpaniwala si Hisus yi ngani ti Pinili Diyus Manugribri pag Hari, ti Anak Diyus. Dahil nu katunda kanyu pagsarig, kamu may tutuu pag buhi sa kanyu magpakiusa sa kanya.

Santiyagu 2:19

Magpaniwala kawu ti Diyus usa-usa, unman aw? Mayad duy, una ti manga labang magpaniwala diman waydi, pagtakigan waya sida sa dala.