Lukas 4:35 - Hanunuu

³⁵ Bag-u sinabi ni Hisus sa kanya magkun, “Danga mag-ingay, pagluwas yi kawu sa kanya ginan!” Ilinusgu waya ti inapuan labang sa atubangan kadamlan tawu bag-u nagluwas yi ti labang, dapat unman naunu ti tawu.

Lukas 4:35 Iomraidhean Croise

Kanta 50:16

Dapat sa manga daut inda ti pagsabihun Diyus, “Unman kamu may karampatan sa pagsampit sa kang manga sugu ag kasunduan.

Sakaryas 3:2

Dapat magkun ti anghil Panginuun sa kan Satanas, “Angay sa Panginuun imaw ti nagpili sa Hirusalim, salan gid kawu Satanas. Dahil inda pag tawu si Huswi irinibri niya ginan sa pagkabihag parihu sa pamagba rinabnut ginan sa apuy.”

Matiyu 17:18

Pagka binagawan ni Hisus ti anak, nagluwas ginan sa kanya ti labang. Susun naayadan yi ti anak.

Matiyu 8:26

Magkun si Hisus sa kanda, “Hayga lugud kamu magkadala, diit maaw kanyu pagsarig.” Bag-u tinmindug si Hisus ag nagbagaw, kay inampara ti untug hanggan ti humbak danaw. Bigla nagkalma.

Markus 1:26

Dapat pinatigbak waya labang ti tawu, namagrit daka bag-u nagluwas ti labang ginan sa kanya.

Markus 4:39

Nagbangun si Hisus, tinamyaw niya ti bagyu ag sinabi niya sa danaw magkun, “Paghubung yi, danga yi magpaywas pag danum.” Naghubung yi ngani ti untug, ag kinmalma ti danaw.

Markus 9:26

Namagrit ti labang, pinatigbak niya gid masyadu ti anak bag-u nagluwas siya. Ag ti anak bilang ga namatay yi. Nakan mayamu ti nagsabi, “Siya tigbak yi.”

Lukas 11:22

Dapat nu labanan siya lalu mabisug pag tawu, talu siya, bag-u bul-un sa kanya ti armas kay pagsarigan hanggan kay naagaw pag manga butang paghuray-hurayun.

Lukas 4:23

Magkun siya sa kanda, “Pihu gid sumabi kamu sa kangku inda pag pahalimbawa, ‘Manugbulung, bulunga duy nimu kanmu sadili bilug.’ Sumabi waydi kamu sa kangku, ‘Una hintay kanmi nadnugan kanmu binwat ati sa Kapirnaum, buwata diman nimu sitay sa kanmu sadili banwa.’ ”

Lukas 4:39

Dinulud ni Hisus ti babayi, sinungyaw niya ti ramig, rargu nahumpawan yi siya ramig. Pagka nahumpawan yi kay ramig, nagbangun siya, rargu nangapuy kanda karan-unun.

Lukas 4:41

Nanlinuwas diman ti manga labang sa mayamu tawu, nanringgit magkun, “Kawu ti Anak Diyus!” Dapat sinabihan maan niya ti manga labang danga yi mag-ingay, dahil alam nida siya ti Pinili Diyus Manugribri pag Hari.

Lukas 8:24

Sida nagpakarani sa kan Hisus, bag-u kanda pinulaw magkun, “Maisturu, Maisturu, kita inda mamatay yi ay.” Pagka nag-imata siya tinamyaw niya ti bagyu hanggan ti mabisug pag humbak. Pagka tinamyaw nagpat-ung yi ag nagkalma.

Lukas 9:39

Ag inapuan labang inda pag anak. Bigla siya magpakahuyaw, magkidkiriw, magbura kay bibig. Bihira yi pagtayakan labang ti anak. Tutuu siya pagsaktan.

Lukas 9:42

Pagka magpakarani ti anak sa kan Hisus itinlang waya labang rargu nangidkiriw maan ti anak masyadu. Dapat binagawan ni Hisus ti labang, pinaayad niya ti anak bag-u inuli siya sa kay ama.

Ipinakakit 12:12

Nakan kawu duy pag langit pagbaya, hanggan ti tanan mag-uli asan sa langit pagbaya. Dapat ay kamu pag daga hanggan dagat, mahigpit pag kakurian kanyu malakawan. Dahil masyadu pag galit ti idugsak diyablu sa kanyu. Alam yi niya diit wadi pag udas ti kay magkasawad.”