Nadulaw sida tanan-tanan. Nanharampangan sida magkun, “Hintay nguna pag tudlu inda? Dahil may karampatan siya hanggan kamaskihan hampay magpalwas sa manga labang, ag magsunud ngani sida.”
Ispiritu Diyus ti may gimpuunan buhi. Nu tawu lang unman makapakaun buhi. Nu tanggapun niyu kang manga bagaw, matanggap waydi niyu ti Ispiritu imaw ti makapakaun buhi sa kanyu.
Dinayu nimi ti makakaray-a ag lihim pag manga buruwatun. Balaw kami magdaya, unman mag-uman kami Bagaw Diyus. Bagkus ngap ipinaburayhaw nimi ti katutuuhanan, nakan alistu kami pausisa una sa kantapu nu may pagkutubun sa atubangan Diyus.
Dahil kanmi ipinadakit ti Mayad pag Barita sa kanyu balaw tugka lang sa bagaw. Kay makamaskihan pag manga buwat Ispiritu Banal ti nagpuruyba sa kanyu tungkul sa katutuuhanan Mayad pag Barita. Nakitan waydi niyu nu kabitay kami sa kanyu atubangan sa kanyu ikaayad.
Itudlu yi ngani nimu inda tanan, ilubus nimu kanmu karampatan sa kanmu magparig-un hanggan sa kanmu magtamyaw sa manga manugpatingi. Danga pakan-an nimu sida kaluagan hampay maghakut diman sa kanmu.
