Lukas 4:25 - Hanunuu

²⁵ Dapat tutuu kang pagkumnun sa kanyu, sa kay di waya purupita si Ilyas nangulian sa Israil, katpung unman inmuran sulud tulu ka timpu may tunga, mayamu diman ti manga babayi buranday katpung masyadu ti lun-us sa buu nasyun.

Lukas 4:25 Iomraidhean Croise

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

Isayas 55:8

Magkun ti Panginuun, “Kang naisipan balaw parihu sa naisipan niyu ag ti pamaraan niku balaw parihu sa pamaraan niyu.

Matiyu 20:15

Unman aw aku madunung diman kang kagustuhan tungkul sa kang sadili kasiyunan? Maghirak aw kawu sa kanmu magbantay sa kangku dahil aku balaw mairang?’

Lukas 10:21

Ati katpung pinakan-an si Hisus lubus pag kabayaan Ispiritu Banal. Kay sinabi, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, dapat ipinakilala ngapu nimu sa manga tawu ga anak kay tagipusuun. Hu ngani duy Amang, dahil katunda yi kanmu kagustuhan.

Ruma 9:15

Dahil kainda kay sinabi niya sa kan Muysis magkun, “Naawa aku sa gustu niku pagkaawaan, naluuy aku sa gustu niku pagkaluuyan.”

Ruma 9:20

Dapat kawu duy tawu lang, si unu lugud kawu nakan nagsagut katida sa Diyus? Masabi aw lugud anglit sa nagpanday sa kanya magkun, “Hayga binwat nimu aku kainda?”

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 1:9

hampay lubus maintindihan nita kay udwaya pinaburayhaw pag gayak niya.

Santiyagu 5:17

Si Ilyas pag tawu ga kanta diman. Nangungud siya sa darangin hampay balaw umuran, bag-u sa sulud tulu ka timpu may unum ka bulan balaw yi ngani nag-uran.

Ipinakakit 11:6

May karampatan sida pumigil sa langit hampay udyi umuran sa kaudasan nida magpurupita. May karampatan diman sida baliwun dugu ti danum ag hampay magpadara una hintay pag kahigpitan tag sa babaw daga una lang kapira kanda gustu.