Lukas 4:22 - Hanunuu

²² Sida tanan nagdayaw gid sa kanya, naglingut dahil marinu gid kay binagaw. Magkun sida, “Bukun aw lugud inda kan Husi lang pag anak?”

Lukas 4:22 Iomraidhean Croise

Kanta 45:2

Mahal Hari, kawu ti pinakamarinu sa tanan pag manga lalaki, ag magbagaw kawu manga bagaw ikamayad sa iba, dahil pagpapaladan kawu pirmi Diyus.

Kanta 45:4

Pakakitan kanmu kadayawan, paggira kawu marapanalu para sa katutuuhanan ag sa katadlungan manga pag-apihun. Sa panab-anan nimu kapangyarihan pagbuwat kawu makadululaw pag manga buwat.

Kabagawan 10:32

Ti matadlung pag tawu alam nu hintay ti mayad bagawun, dapat ti daut pag tawu, kay alam lang bagawun kadautan.

Kabagawan 16:21

Ti madunung pag tawu pagkilalan-un may intindi, ag nu madunung siya magbagaw mayamu ti maanad sa kanya.

Kabagawan 25:11

Nu kanmu pagbagawun mag-angay sa panahun, marinu inda parihu sa gintu pag manga mansanas mapaulian sa pilak pag sukadan.

Manugtudlu 10:12

Ti pagbagawun madunung pag tawu makapakaun sa kanya kaayadan, dapat ti manga pagbagawun unman may intindi pag tawu makapadamhak sa kanya.

Kanta ni Sulumun 5:16

Mayad arukan kay bibig, marinu gid siya. Manga babayi sa Hirusalim, siya kang mahal, kang kakilala.

Isayas 50:4

Tinudluan aku Panginuun Diyus nu hintay ti sabihun niku hampay maparig-un ti manga maglumuy. Pagpulawun niya aku kada surip hampay patingihan ti manga pag-itudlu niya sa kangku.

Lukas 2:47

Ti tanan nakadnug sa kanya masyadu gid naglingut sa kay manga sagut dahil matinudukun gid siya.

Lukas 2:48

Pagka siya nakitan nida ni Marya ni Husi naglingut gid sida sa kanya. Bag-u sinabi niya ina magkun, “Kawu duy pag anak, hayga binwat nimu sa kanmi ti katida? Kami kanmu ina kanmu ama maruku yi, dugay kawu nakitan nimi.”

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Lukas 4:21

Bag-u nagtultul siya sa kanda magkun, “Taynguna sa kanyu magpatingi natupad yi inda pag Kasuratan.”

Huwan 1:45

Nakitan maan ni Pilipi si Natanail. Bag-u sinabi ni Pilipi sa kanya magkun, “Nakabtaan nimi si Hisus taga Nasarit kay anak ni Husi. Imaw ti pagturunuhun ni Muysis sa kay isinurat sa Kasuguan, siya diman waydi hanggan ti pagturunuhun manga purupita.”

Huwan 6:42

Sinabi nida magkun, “Unman aw lugud inda pag tawu si Hisus, kay anak ni Husi? Kilala nita kay ama hanggan kay ina. Kabitay lugud pag masabi niya kuntay siya nagsitay ginan sa langit?”

Huwan 7:46

Sinmagut ti manga pulis magkun, “Una kaybi ginan unman may tawu magbagaw katida kay kaayad.”

Binwat 6:10

Dapat mahal ngap pag kadunungan kay ipinakaun Ispiritu Banal sa kan Istiban nakan unman gid kaya nida taluhun siya.

Titu 2:8

Pagpirmi gid hustu angay sa katutuuhanan ti kanmu pagsabihun hampay unman may ikasabi una si unu sa kanmu pagbagawun. Nu katida mangay-a kanta manga kalaban dahil unman may tultulun sida laban sa kanta.