Lukas 4:19 - Hanunuu

¹⁹ Hampay ipahayag kuntay inda yi ti kaudasan kay magparibri Panginuun sa kay nasyun.”

Lukas 4:19 Iomraidhean Croise

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Isayas 63:4

Binwat niku inda dahil rinmas-ug yi ti sirang pagbalus niku sa kang manga kalaban ag iribri niku kang manga nasakupan.

Bilang 36:4

Sa pagras-ug Timpu Pagpalpas ag Pag-urulian, kanda daga miatag yi sa lahi nida naasawa, bag-u madura yi inda sa lahi nimi manga ginurang.”

Lukas 19:42

magkun, “Nu nasalman lang nimu taynguna nu hintay kanmu kailangan hampay may kahusayan. Dapat taynguna unman ngap nakilala nimu.

2 Kurintu 6:1

Kami manga kaawat Diyus sa buruwatun. Nakan pagpakapaanyuan nimi kamu danga pagpasipalahan ti manga kaayadan kay ipinakaun Diyus sa kanyu.