Lukas 4:16 - Hanunuu

¹⁶ Nag-ati diman si Hisus sa Nasarit sa kay kinadak-anan pag banwa. Ga kay diman ugali nu sa Sirang Pamahari, sinmaka siya sa simbahan manga Hudiyu. Nagtindug siya hampay mamasa Banal Kasuratan.

Lukas 4:16 Iomraidhean Croise

Matiyu 2:23

Pagka rinmas-ug, ati sida pag nangulian sa banwa Nasarit, hampay matupad ti bagaw ipinadakit manga purupita magkun, “Siya aban ingarnan Nasarinu.”

Lukas 2:39

Pagka natupad yi nida ni Marya ni Husi ti tanan bagay angay sa Kasuguan Panginuun, nuli sida tag sa Galiliya, sa kanda ulian sa banwa Nasarit.

Lukas 2:42

Pagka may sampulu yi may duwa ka timpu kay idad ni Hisus, nagtukad maan sida tag sa Hirusalim, ga kanda diman ugali tag sa Kapistahan.

Lukas 2:51

Nagkuyug si Hisus sa kay manga gurang tag sa Nasarit. Napasakup siya sa kay manga gurang. Inda tanan pag nangyari itinuduk niya ina sa kay tagipusuun.

Lukas 4:15

Nagtudlu siya sa manga tawu sa simbahan manga Hudiyu, ag pagdayawun siya nida tanan.

Lukas 4:17

Itinunghul sa kanya ti ribru ni Purupita Isayas. Pagka binuklad niya ti ribru, hinanap niya ti bagaw ginan sa Banal Kasuratan magkun,

Lukas 4:21

Bag-u nagtultul siya sa kanda magkun, “Taynguna sa kanyu magpatingi natupad yi inda pag Kasuratan.”

Lukas 4:23

Magkun siya sa kanda, “Pihu gid sumabi kamu sa kangku inda pag pahalimbawa, ‘Manugbulung, bulunga duy nimu kanmu sadili bilug.’ Sumabi waydi kamu sa kangku, ‘Una hintay kanmi nadnugan kanmu binwat ati sa Kapirnaum, buwata diman nimu sitay sa kanmu sadili banwa.’ ”

Huwan 18:20

Sinmagut si Hisus magkun, “Sa pagkaburayhawan aku pag naghampang sa kayamuan tawu. Pirmi aku magtudlu sa simbahan manga Hudiyu hanggan sa Balay Diyus. Unman aku nagtultul sa lihiman.

Binwat 17:2

Angay sa kan Pablu ugali, sinmaka siya sa simbahan manga Hudiyu. Tulu ka Sirang Pamahari nangatadlungan siya sa kanda ginan sa Banal Kasuratan.