Lukas 3:5 - Hanunuu

⁵ Tanan-tanan luung tambakan aban, pakababaun ti kada bantud hanggan bungtud, una liku tul-idun. Ti manga dalan nangunhakunha rumatag aban.

Lukas 3:5 Iomraidhean Croise

Isayas 40:4

Tap-ukan niyu ti manga arababa pag rugar, ratagun ti manga bantud hanggan tagudtud, ag tadlungun ti manga maliku pag dalan.

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Isayas 45:2

“Aku ti mangalistu kanmu lakawan, ratagun niku ti manga bantud. Dautun niku ti manga sabian galang hanggan ti manga puwirtahan baul.

Isayas 49:11

Buwatun niku lakawan nida kang manga bantud. Ti manga rugar arabwat bumaliw baklayan.

Isikil 17:24

Ti tanan kayu sa daga makaalam kuntay aku ti Panginuun magpulud sa arabwat pag manga kayu hanggan magpaabwat sa ababa pag manga kayu. Aku ti magpalayung sa malangba pag manga kayu hanggan ti magbuhi sa manga layung pag kayu. Aku, ti Panginuun, ti nagtaratu inda, ag tupadun gid niku inda.”

Santiyagu 1:9

Nu pugri ti usa ka patar-ari, may kabayaan ngap siya nu siya pinaabwat Diyus.