Lukas 3:22 - Hanunuu

²² Nagpakababa sa kanya ti Ispiritu Banal ga histuda kalampati. Bag-u may magbagaw ginan sa langit magkun, “Kawu kang pagmahalun pag Anak, kawu lubus kang pagbayaun.”

Lukas 3:22 Iomraidhean Croise

Kanta 2:7

Magkun ti pinili Diyus pag hari, “Itultul niku ti sinabi sa kangku Panginuun magkumun, ‘Kawu kang anak. Taynguna pag sirang pag ipakilala niku aku kanmu ama.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Matiyu 12:18

“Inda yi kang suruguun, siya kang gid pinili, kang gid pagmahalun, lubus kang pagbayaun. Ilubus niku sa kanya kang Ispiritu Banal, pihuun niya ti tanan nasyun tawu nu daut nu mayad.

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Matiyu 27:43

Magsarig siya sa Diyus. Nu tutuu siya pagbayaun Diyus kailangan iribri niya siya. Sinabi niya kabay kuntay siya Anak Diyus.”

Matiyu 3:13

Pagka dugay linmakaw si Hisus ginan sa Galiliya, nag-ati sa kan Huwan sa sapa Hurdan hampay siya itulbaw ni Huwan.

Matiyu 3:16

Pagka itinulbaw si Hisus, napatakas siya ginan sa danum bag-u nabukasan ti langit sa kanya ag nakitan ni Huwan ti Ispiritu Diyus ga histuda kalampati nagpakababa bag-u nangulian sa kan Hisus.

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Markus 1:11

May nagbagaw ginan sa langit magkun, “Kawu kang pagmayadun pag Anak, sa kanmu aku lubus pag magbaya.”

Markus 1:9

Ati katpung nagluwang si Hisus ginan sa Nasarit sa sakup Galiliya bag-u itinulbaw siya ni Huwan sa Hurdan.

Markus 9:7

Bag-u may rurum hinmamuy sa kanda, may nagbagaw ginan sa rurum magkun, “Inda kang pagmayadun pag Anak, patingihi gid niyu siya.”

Lukas 2:14

“Dayawun nita ti Diyus sa langit. Sa babaw daga may kahusayan yi sa manga tawu kay pagbayaun Diyus.”

Lukas 4:21

Bag-u nagtultul siya sa kanda magkun, “Taynguna sa kanyu magpatingi natupad yi inda pag Kasuratan.”

Huwan 1:32

Bag-u nagtultul si Huwan sa manga tawu magkun, “Nakitan niku ti Ispiritu ga kalampati magpakababa ginan sa langit bag-u nangulian ti Ispiritu sa kanya.

Huwan 12:28

Amang, ipaburayhaw duy nimu ti kadayawan nimu ngaran.” Bag-u may nagbagaw ginan sa langit magkun, “Ipinaburayhaw yi duy niku ti kadayawan niku ngaran, dapat una aban ipaburayhaw waya gid maan niku.”

Huwan 5:37

Hanggan ngap ti Ama ti nagsugu sa kangku tigpakilala waydi nu si unu aku. Una kaybi ginan kamu unman nakadnug kay magbagaw, unman diman kamu nakakit sa kay pinagkabilug.

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

1 Pidru 2:4

Pagpakarani kamu sa kan Kiristu. Siya yi ngani ti ga batu may buhi, dinayu manga tawu, dapat pinili ngap Diyus, kay yi pagpahalagahan.