Lukas 3:14 - Hanunuu

¹⁴ Pinaingana siya manga sundalu magkun, “Ag kami, hintay ti dapat nimu buwatun?” Magkun si Huwan sa kanda, “Danga magbuul tawu kuwarta sa karagasyun, danga magparhug sa tawu. Pagmasulung kamu sa kanyu suhul kang-ud.”

Lukas 3:14 Iomraidhean Croise

Pag-ighit 20:16

“Danga kamu magkastigus balaw tutuu sa kanyu kaparihu.

Pag-ighit 23:1

“Danga kamu magbarita kapudilan. Danga kamu magkastigus kapudilan agud maawatan ti usa ka daut pag tawu.

Libitiku 19:11

Danga kamu magtakaw, hanggan magpudil, aw ngatay magpandaya sa kanyu kaparihu.

Matiyu 8:5

Pagka rinmas-ug si Hisus sa banwa Kapirnaum, napakarani sa kanya ti usa ka kapitan manga sundalu taga Ruma, nagpakihampang sa kanya magkun,

Lukas 19:8

Tinmindug si Sakiyu sinmabi sa Panginuun, “Panginuun, kay katunga niku kasiyunan kang ipakaun sa manga pugri. Nu nakasukut aku nagdaya una sa kantapu pag tawu, iuli maan niku durugan upat.”

Lukas 3:10

Pinaingana siya manga tawu magkun, “Hintay nguna ti dapat nimi buwatun?”

Lukas 3:13

Sinabi niya sa kanda, “Danga yi kamu magsukut subra sa bilin gubirnu sa kanyu.”

Binwat 10:7

Pagka nakatapus kay hampang sa kan Kurnilyu, nighit maan ti anghil. Bag-u bin-ul ni Kurnilyu ti duwa ka masarigan gid niya pag panawuhun hanggan ti usa ka suruguun niya pag sundalu. Tunda pag sundalu parihu ga kan Kurnilyu niabay waydi sa surundanun manga Hudiyu.

Pilipus 2:15

Sa kanyu manga kalibut may manga tawu unman mayad kay ugali ag daut kay pagbuwatun. Kailangan kamu pag manga anak Diyus ga mustara sa manga iba tawu malumpiyu kanyu ugali, unman may ikasabi sa kanyu. Nu katunda magduag yi kamu sa kanda karaw-an parihu ga manga pamgasan magrayaw sa langit.

Pilipus 4:11

Balaw kang gustu sabihun kuntay aku may kailangan, dahil kang yi waydi naanadan una makuri kang kahamtangan.

Titu 2:3

Katunda diman pagkumun kawu sa manga gurangun pag babayi, kailangan ipakakit nida kanda maggalang sa Panginuun hanggan sa tawu, danga sida parabangdan sa tawu, danga sida magkadara sa manga irinmanun, bagkus kailangan pagtudlu sida sa mayad.

Ipinakakit 12:10

Bag-u nadnugan niku may magbagaw daka sa langit magkun, “Taynguna niburayhaw yi kay pagribri nita Diyus sa manga tawu, hanggan kay kapangyarihan hanggan kay maghari. Niburayhaw yi waydi ti karampatan niya Pinili Manugribri pag Hari. Dahil iyinmut yi ginan sa langit ti manugsumbung, imaw tigpakasumbung sirang yabi sa kanta manga patar-ari sa atubangan nita Diyus.