Lukas 3:11 - Hanunuu

¹¹ Nagsagut si Huwan magkun, “Ti may duwa ka balukas kailangan magpakaun kay usa sa unman may imaw. Hanggan ti may karan-unun katida diman ti buwatun pumakaun sa unman may karan-unun.”

Lukas 3:11 Iomraidhean Croise

Isikil 18:7

Unman siya mag-api, ag pag-iuli niya ti garantiya manga nakautang sa kanya. Unman siya magtakaw, nu unman pagpakaunun niya ti manga magkalun-us ag pagpakan-an rutay ti manga unman may rutay.

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Matiyu 25:40

Sabihun Hari magkun, ‘Ungud duy kang pagsabihun sa kanyu, pagka binwat niyu inda sa usa sa manga patar-ari niku mapinakumbabaun, sa kangku yi ngap pag binwat niyu tunda.’

Lukas 11:41

Kailangan ipakaun niyu sa manga pugri kay sukad niyu manga taya bag-u udyi may daut sa kanyu surundanun.

Lukas 18:22

Pagka nadnugan ni Hisus inda, sinabi niya sa lalaki magkun, “Usa waya ka bagay ti kurang sa kanmu. Pabilyan nimu ti tanan nimu kasiyunan. Nu nipabili yi ayaw-ayawa kay kabilyanan sa manga pugri hampay makatanggap kawu kayamanan sa langit. Bag-u pagsitay maan kawu pagkuyug yi sa kangku.”

Lukas 19:8

Tinmindug si Sakiyu sinmabi sa Panginuun, “Panginuun, kay katunga niku kasiyunan kang ipakaun sa manga pugri. Nu nakasukut aku nagdaya una sa kantapu pag tawu, iuli maan niku durugan upat.”

Huwan 13:29

Si Hudas ti manugkurpa kuwarta. Nakan kanda hantup manga iba tuludluan barang sinugu ni Hisus si Hudas hampay bilihun niya kanda manga pangailangan sa Kapistahan, aw ngatay hampay pumakaun siya kuwarta sa manga pugri.

Binwat 10:2

Si Kurnilyu hanggan kay manga kasunu balay niabay sa surundanun manga Hudiyu, masipag sida magsamba sa Diyus. Magpakaun diman gid si Kurnilyu kuwarta sa manga Hudiyu nu may kakurian, pirmi diman siya magdarangin sa Diyus.

Binwat 10:31

Magkun siya sa kangku, ‘Kurnilyu, nadnugan Diyus kanmu manga darangin. Pagbayaun niya kanmu awat sa manga makuri.

Binwat 10:4

Kinulbaan kay tinmurun sa anghil bag-u sinabi niya, “Hintay duy asan?” Nagsagut ti anghil magkun, “Pagbayaun Diyus kanmu manga darangin hanggan kanmu awat sa manga makuri. Nakan pirmi kawu kay pag-alalahanun.

Ipisu 4:28

Ti mananakaw danga yi magpakatakaw. Bagkus ngap pagpakasipag yi siya sa tarabahu, gamitun kay kamang sa una hintay pag buruwatun mayad hampay may miawat siya sa manga tawu may pangailangan.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

1 Timutiyu 6:18

Sabihi nimu sida pagbuwat mayad, pagpakayaman sida sa mayad pag buwat. Pagmarapakaun, pagmaraawat sida sa kaparihu tawu.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

Santiyagu 2:14

Manga patar-ari niku, hintay nguna ti pakinabang usa ka tawu nu sabihun niya kuntay siya may pagsarig, bag-u unman diman waydi mag-akitan tunda sa kay manga buwat. Miribri aw lugud siya nu katida lang waydi kay pagsarig?

1 Huwan 3:17

Ti tawu nu may kasiyunan sitay sa babaw daga, ag nu makitan niya kay patar-ari may kailangan bag-u nu unman siya naawa nag-awat sa kay patar-ari, kabitay pag masabi siya magmahal sa Diyus?

1 Huwan 4:20

Una hintay pag tawu tigsabi magkun, “Pagmahalun gid niku ti Diyus,” bag-u nu magkagalit diman siya sa kay patar-ari, pudilun tunda pag tawu. Dahil nu unman waydi pagmahalun niya kay patar-ari madi mag-akitan niya sa mata, lalu yi ngap unman siya madunung magmahal sa Diyus sa unman mag-akitan sa mata.