Lukas 3:10 - Hanunuu

¹⁰ Pinaingana siya manga tawu magkun, “Hintay nguna ti dapat nimi buwatun?”

Lukas 3:10 Iomraidhean Croise

Lukas 3:12

Rinmas-ug ti manga manunukut buhis hampay magpatulbaw waydi. Magkun sida sa kan Huwan, “Maisturu, hintay nguna ti dapat nimi buwatun?”

Lukas 3:14

Pinaingana siya manga sundalu magkun, “Ag kami, hintay ti dapat nimu buwatun?” Magkun si Huwan sa kanda, “Danga magbuul tawu kuwarta sa karagasyun, danga magparhug sa tawu. Pagmasulung kamu sa kanyu suhul kang-ud.”

Lukas 3:8

Kamu pagbuwat yi mayad pag buruwatun, kanyu manga ainampu pag manga kasalanan danga yi pagsublia. Danga yi kamu magsarabihan kuntay kanyu ginurang si Abraham. Dahil pagsabihun niku sa kanyu, inda pag manga batu mahimu buwatun Diyus manga tawu itulus sa kan Abraham linahi.

Binwat 16:30

Ipinaluwas niya sida sa pirisuhan, bag-u kay sinabi sa kanda magkun, “Hintay nguna duy kang kailangan buwatun hampay aku maribri?”

Binwat 2:37

Pagka nadnugan manga tawu kan Pidru paliwanag, naaburidu kanda naisipan. Namaingana sida sa kan Pidru hanggan sa iba manga apustul magkun, “Manga patar-ari, kabitay wadi duy kami inda?”

Binwat 2:38

Nagsagut si Pidru magkun, “Ampuan niyu kanyu kasalanan ag paghagad kapatawadan sa Diyus. Pagpatulbaw ti kada usa sa kanyu, pagpasakup sa ngaran ni Hisu-Kiristu hampay patawadun yi kanyu manga kasalanan. Bag-u ipakaun Diyus sa kanyu ti Ispiritu Banal.

Binwat 9:6

Pagbangun yi kawu, pag-ati kawu sa banwa bag-u may sumabi ati sa kanmu tungkul sa kanmu kailangan buwatun.”