Lukas 24:30 - Hanunuu

³⁰ Pagka nagpakarani siya sa lamak, binitbit niya ti tinapay bag-u ipinasalamat niya sa Diyus bag-u pinikapika bag-u ipinakaun sa kanda.

Lukas 24:30 Iomraidhean Croise

Matiyu 14:19

Pagka pinatukaw niya ti kayamuan tawu sa babaw ilamnun, bin-ul niya ti lima ka tinapay ag ti duwa ka isda. Nagtangda siya sa langit, nagpasalamat sa Diyus. Bag-u pinikapika niya ti manga tinapay bag-u ipinakaun niya sa manga tuludluan, kanda maan ipinakaun sa manga tawu.

Matiyu 15:36

Bin-ul niya ti pitu ka tinapay hanggan ti manga isda. Pagka nakapasalamat siya sa Diyus, kay pinikapika tunda bag-u kay ipinakaun sa kay manga tuludluan. Kanda maan ipinakaun sa manga tawu.

Matiyu 26:26

Pagka sida magkaun yi, nagpunpun si Hisus tinapay ginan sa lamak. Pagka nakapasalamat siya sa Diyus, pinikapika niya ti tinapay bag-u kay ipinakaun sa kay manga tuludluan. Magkun siya, “Tanggapa niyu inda kan-a. Inda kang bilug.”

Markus 14:22

Pagka sida magkaun, nagpunpun si Hisus tinapay. Pagka siya nakapasalamat sa Diyus, pinikapika niya ti tinapay bag-u kay ipinakaun sa kay manga tuludluan. Ag magkun siya, “Tanggapa niyu inda. Inda kang bilug.”

Markus 6:41

Bag-u bin-ul ni Hisus ti lima ka tinapay hanggan ti duwa ka isda. Nagtangda siya sa langit, nagpasalamat sa Diyus bag-u pinikapika niya ti manga tinapay bag-u ipinakaun niya sa kay manga tuludluan hampay ihayin nida sa manga tawu. Hinuray-huray niya ti duwa ka isda sa kanda tanan.

Markus 8:6

Pinatukaw ni Hisus ti manga tawu sa babaw daga. Bag-u bin-ul niya ti pitu ka tinapay. Pagka nakapasalamat siya sa Diyus, kay pinikapika tunda bag-u kay ipinakaun sa kay manga tuludluan hampay kanda ihayin sa manga tawu. Ihinayin ngani nida sa kayamuan.

Lukas 22:19

Nagpunpun siya tinapay, kanya dap ipinasalamat sa Diyus bag-u pinikapika bag-u ipinakaun sa kanda. Kay sinabi, “Inda kang bilug pag-ipakaun sa kanyu. Buwata niyu inda sa pag-alaala sa kangku.”

Lukas 24:29

Dapat ay kanda tinawidan siya magkun, “Pag-igya yi lang kawu sa kanmi, yabi yi duy, mag-agaw yi sirang yabi.” Nagsaka yi ngani si Hisus nanhapit sa kanda.

Lukas 24:35

Sida ni Kaliyupas nagsabi waydi tungkul kanda nakitan sa dalan, ag nu kabitay ti Panginuun nakilala nida sa kay magpika-pika tinapay.

Lukas 9:16

Bin-ul ni Hisus ti lima ka tinapay ag ti duwa ka isda, nagtangda siya sa langit nagpasalamat sa Diyus sa inda pag karan-unun bag-u pinikapika niya. Bag-u ipinakaun yi niya sa kay manga tuludluan hampay ihayin nida sa kadamlan tawu.

Huwan 6:11

Bin-ul ni Hisus ti manga tinapay, nagpasalamat siya sa Diyus, bag-u kay inayaw-ayaw sa manga tawu matukawan ati. Kumun diman kay binwat sa manga isda. Pinasugtan kanda gustu sa kaun.

Binwat 2:42

Unman pagkalimtan nida ti itinudlu manga apustul, ti pagkarausa magtar-arian, ti magmirinsanan magkaun hanggan ti magmirinsanan sa darangin.

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 27:35

Pagka sinabi niya tunda, pinunpun niya ti usa ka tinapay sa lamak. Pagka nakapasalamat siya sa Diyus sa atubangan nida tanan, pinikapika niya ti tinapay bag-u nangaun siya.