Lukas 24:27 - Hanunuu

²⁷ Bag-u ipinaliwanag ni Hisus sa kanda ti manga bagaw tungkul sa kanya sa tanan Banal Kasuratan ginan sa kan Muysis hanggan waya sa manga Purupita.

Lukas 24:27 Iomraidhean Croise

Gimpuunan 12:3

Papaladan niku ti magpapalad sa kanmu. Dapat saadan waydi niku ti magsaad sa kanmu. Sa panab-anan nimu, papaladan niku ti tanan tawu sa kalibutan.”

Gimpuunan 22:18

Ag sa panab-anan nimu linahi, papaladan niku ti tanan nasyun sa kalibutan, dahil nagsunud kawu sa kangku.”

Gimpuunan 26:4

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan.

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Kanta 132:11

Nagtaratu kawu kaybi kan Dabid, ag pihu tupadun nimu ag balaw bawiun. Magkun kawu: “Ti usa sa kanmu manga linahi paublusun niku sa kanmu bilang hari.

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 50:6

Isinarangu niku kang dayu sa manga nagbakul sa kangku ag isinarangu diman niku kang uyahun sa manga nag-ayit kang bungut. Pinabay-anan niku sida pakay-ahun aku hanggan bug-anan kang uyahun.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Isayas 8:17

Magpaniwala aku sa Panginuun una waya pinatlikudan niya ti linahi ni Hakub. Sa kanya di aku pag magsarig.

Isayas 9:1

Dapat rumas-ug ti sirang madura diman ti kadudulman sa manga may kakurian. Kaybi sa kabag-u, ipinauli Panginuun sa makakaray-a ti daga Sabulun ag Niptali. Dapat rumas-ug ti sirang kilalan-un niya tunda pag rugar lakawan atabug sa dagat ag ati sa baliw dipay Sapa Hurdan. Inda pag rugar sakup yi Galiliya pag-ulian manga balaw Hudiyu.

Isikil 34:23

Pakan-an niku sida usa ka manugbantay kay linahi ni Dabid, kang suruguun. Siya ti mangalaga ag manbantay sa kanda.

Isikil 37:25

Mangulian sida sa daga niku ipinakaun sa kang suruguun sa kan Hakub, ti daga nu naan nangulian kanda manga ginurang. Ati sida hanggan kanda manga linahi pag mangulian tugka aban, bag-u humari sa kanda ti hari ginan sa linahi niku suruguun si Dabid sa unman may katapusan.

Danyil 7:13

“Bag-u nakitan niku ti ga anyu tawu sinangputan rurum. Nagpakarani siya sa Diyus Buhi unman may Katapusan.

Mikas 5:6

Taluhun nida ag sakupun ti Asirya, ti rugar ni Nimrud, sa panab-anan nida manga armas. Nakan iribri nida kita nu girahun manga taga Asirya kanta nasyun.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Bilang 21:14

Nakan nisurat sa Ribru Paglaban Panginuun ti banwa Wahib sakup Supa, ti luung Arnun,

Markus 4:34

Kada magtudlu siya sa kanda pirmi paggamitun niya ti manga pahalimbawa. Dapat nu sa kay sadili tuludluan pag-ipaliwanag niya ti tanan manga bagay.

Lukas 24:25

Sinabi ni Hisus sa kanda ni Kaliyupas magkun, “Kamu duy katna kurang kanyu manga isip. Talaga kamu maganitganit waya kanyu tagipusuun. Hayga lugud kamu unman magpaniwala sa tanan isinurat manga purupita?

Lukas 24:44

Sinabi niya sa kanda, “Inda imaw yi kang pagsabihun sa kanyu kaybi kang di waya sa kanyu. Sinabi kabay niku kailangan tupadun ti tanan nakasurat tungkul sa kangku sa Kasuratan ni Muysis hanggan sa Surat manga Purupita hanggan sa Ribru Manga Kanta.”

Huwan 1:45

Nakitan maan ni Pilipi si Natanail. Bag-u sinabi ni Pilipi sa kanya magkun, “Nakabtaan nimi si Hisus taga Nasarit kay anak ni Husi. Imaw ti pagturunuhun ni Muysis sa kay isinurat sa Kasuguan, siya diman waydi hanggan ti pagturunuhun manga purupita.”

Huwan 12:41

Inda kay sinabi ni Isayas dahil ipinakakit Diyus sa kanya kay kadayawan aban ni Hisus ag kay binagaw ni Isayas tungkul ngani sa kan Hisus.

Huwan 5:37

Hanggan ngap ti Ama ti nagsugu sa kangku tigpakilala waydi nu si unu aku. Una kaybi ginan kamu unman nakadnug kay magbagaw, unman diman kamu nakakit sa kay pinagkabilug.

Huwan 5:39

Pirmi diman pag-adalun niyu ti manga Banal Kasuratan dahil kanyu pag-isipun siyun kamu pag makakit buhi unman may katapusan. Tunda pag manga Banal Kasuratan tigpakilala nu si unu aku.

Binwat 10:43

Ti tanan purupita nagbarita diman waydi tungkul sa kan Hisus magkun, una hintay pag tawu nu sumarig sa kanya, patawadun Diyus kay manga kasalanan dahil sa kamaskihan niya.”

Binwat 3:18

Dapat sa kanyu binwat tunda, natupad yi ti dugay yi pag ipinaalam Diyus sa panab-anan manga purupita magkun, kailangan umagwanta ti Pinili Diyus Manugribri pag Hari hanggan sa kamatayan.

Binwat 3:22

Sinabi yi kabay ni Muysis magkun, ‘Aban suguun Panginuun Diyus sa kanyu ti usa ka purupita kanyu diman kalahi, parihu diman sa kay nagsugu sa kangku. Kailangan paniwalaan gid niyu siya una hintay kay sabihun sa kanyu.

Binwat 3:24

Tunda pag manga purupita ti may iinadal ginan sa Diyus. Tanan-tanan ginan waya sa kan Samwil hanggan manga nagdasun sa kanya, nagpaalam yi sida daan tungkul sa manga mangyari taynguna.

Binwat 7:37

“Si Muysis diman waydi ti nagsabi sa manga Israilita magkun, ‘Aban ipakaun Panginuun Diyus sa kanyu ti usa ka purupita kanyu diman kalahi, parihu diman ga kangku sinugu Panginuun.’

Binwat 8:35

Bag-u ginan sa inda ngani pag bahagi Banal Kasuratan itinultul ni Pilipi sa pinunu ti Mayad pag Barita tungkul sa kan Hisus.

Diyuturunumiyu 1:45

Nagbalik maan kamu bag-u nanlulumian tag sa Panginuun, dapat ay unman siya namatingi ngatay nagsagut sa kanyu.

Diyuturunumiyu 18:15

Bagkus ngap, pumadara sa kanyu ti Panginuun niyu Diyus usa ka purupita parihu sa kangku, kadugu niyu. Kailangan patingihan niyu siya.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.