Lukas 23:50 - Hanunuu

^50-51 May usa ka lalaki kay ngaran si Husi taga Arimatiya, banwa sakup Hudiyu. Mayad siya paggalangun manga tawu ag mag-alagad paghari Diyus. Madi siya usa waydi ka pinunu unman siya nagpasnu sa harampangan Katipunan manga Pinunu hanggan sa kanda binwat sa kan Hisus.

Lukas 23:50 Iomraidhean Croise

Lukas 2:25

May usa ka lalaki sa Hirusalim kay ngaran si Simyun. Matadlung gid siya pag tawu, marasarig sa Diyus, magpatigagad yi gid sa karibrihan manga taga Israil. Nangulian sa kanya ti Ispiritu Banal.

Binwat 10:2

Si Kurnilyu hanggan kay manga kasunu balay niabay sa surundanun manga Hudiyu, masipag sida magsamba sa Diyus. Magpakaun diman gid si Kurnilyu kuwarta sa manga Hudiyu nu may kakurian, pirmi diman siya magdarangin sa Diyus.

Binwat 10:22

Sinmagut sida magkun, “Kami duy sinugu ngani ni Kapitan Kurnilyu. Mayad siya pag tawu, niabay yi sa surundanun manga Hudiyu. Paggalangun diman siya tanan manga Hudiyu. Sinabihan siya anghil Diyus kawu yi ngani kunu ti ipabuul niya atag sa kay balay hampay makapatingi siya sa kanmu manga pagsabihun.”

Binwat 11:24

Mayad gid pag tawu si Birnabi. Lubus siya sinuldan Ispiritu Banal, marig-un kay pagsarig. Mayamu tawu ti binutung tag sa Panginuun.

Binwat 13:29

Pagka tinupad nida ti tanan isinurat tungkul sa kanya, bin-ul nida siya ginan sa kurus bag-u kanda ipinauli sa tinaguktukan batu.