Lukas 23:41 - Hanunuu

⁴¹ Nu sa ungud tama inda pag sintinsiya sa kanta kasalanan. Inda kita magbayad yi lang sa kanta binwat. Dapat inda pag tawu unman may binwat una hintay pag kadautan.”

Lukas 23:41 Iomraidhean Croise

2 Krunika 33:12

Sa kay kakurian, nagpakumbaba gid siya kay sadili ag nagpaawa-awa sa Panginuun niya Diyus, kuntay siya diman ti Diyus niya manga ginurang.

Isra 9:13

Pinarusahan nimu kami, Diyus nimi, dahil sa kanmi manga kasalanan. Dapat ti parusa nimu sa kanmi kurang waya sa dapat nimi tanggapun, ag pinasnuan nimu waya may masawad buhi sa kanmi.

Nihimyas 9:3

Matindugan sida sa sulud tulu ka udas habang pagbasahun sa kanda ti Kasuguan Panginuun nida Diyus. Sa sulud diman tulu ka udas, itinultul nida kanda manga kasalanan ag nagsamba sa Panginuun nida Diyus.

Danyil 9:4

Kaindaay kang pagsabihun sa kang darangin sa Panginuun niku Diyus ag nanhagad patawad sa kang manga kasalanan hanggan sa kasalanan manga Israilita: “Panginuun, makamaskihan kawu ag makadululaw pag Diyus. Matinupadun kawu sa kanmu kasunduan mahalun nimu ti magmahal sa kanmu hanggan ti magsunud sa kanmu manga sugu.

Matiyu 27:19

Pagka si Pilatu nakatukaw sa kay tukawan biristahan, nagpasabi kay asawa atag sa kanya magkun, “Danga kawu maglabut siyun pag tawu unman may kasalanan, dahil kis-ab yabi nakurian aku sa kang tagin-up tungkul sa kanya.”

Matiyu 27:24

Pagka naintindihan ni Pilatu udyi siya may mabuwat, bagay lalu ngap magulu ti manga tawu, namab-ul siya danum, nangugas kay kamang sa atubangan manga tawu magkun, “Unman aku may saragtun sa kay kamatayan inda pag tawu. Bahala duy kamu.”

Matiyu 27:4

Sinabi ni Hudas sa kanda, “Nagkasala gid aku. Itinudlu niku sa kalaban ti tawu hampay siya matyun madi unman may kasalanan.” Magkun sida, “Hintay kanmi labut, bahala kawu asan.”

Matiyu 27:54

Pagka nadnugan nida ti linug ag pagka nakitan nida ti nangyari, nadala masyadu ti kapitan hanggan ti manga sundalu kaibahan niya magbantay sa kan Hisus. Magkun sida, “Tutuu ungud Anak Diyus inda.”

Lukas 23:40

Dapat sinmungyaw kay usa ka tulisan magkun, “Unman aw waya lugud kawu maggalang sa Diyus? Parihu kita nasintinsiyahan.

Lukas 23:42

Bag-u sinabi niya magkun, “Alaalaha nimu aku, Hisus, nu kawu bumalik aban maghari yi.”

1 Tisalunika 2:10

Alam niyu, alam diman waydi Diyus, kanmi ugali buhi matinupadun, mayad ag unman may ikasabi sa kanmi pakiusa sa kanyu sa manga magsarig yi sa kan Kiristu.

Santiyagu 4:7

Nakan ngani pagpasakup kamu sa Diyus. Labani niyu ti diyablu, bag-u pumakarayu yi siya ginan sa kanyu.

1 Pidru 1:19

Ti ilinukat sa kanyu kay ngap mahal pag dugu ni Kiristu. Namatay siya tungkul sa kanyu kasalanan ga anak karanidu unman may nu hintay pag alangan unman waydi may daut una di.

1 Pidru 2:23

Una siya minuransa, unman siya nagganti. Una siya pinakurianan, unman siya tinmima. Nagsarig yi lang siya sa Diyus, sa madunung magpihu sa daut sa mayad.