Lukas 23:4 - Hanunuu

⁴ Sinabi ni Pilatu sa manga pangulu manughandug hanggan sa kayamuan tawu siyun magkun, “Unman may nakitan aku kasalanan sa inda pag tawu.”

Lukas 23:4 Iomraidhean Croise

Matiyu 27:19

Pagka si Pilatu nakatukaw sa kay tukawan biristahan, nagpasabi kay asawa atag sa kanya magkun, “Danga kawu maglabut siyun pag tawu unman may kasalanan, dahil kis-ab yabi nakurian aku sa kang tagin-up tungkul sa kanya.”

Markus 15:14

Sinabi ni Pilatu sa kanda, “Hayga duy, hintay pag kadautan kay binwat niya?” Dapat lalu waya kanda irininggit, “Ipaku siya sa kurus.”

Lukas 23:22

Katlu ginan namaingana si Pilatu sa kanda, “Hayga duy hintay pag kadautan ti binwat inda pag tawu? Unman aku may nakitan kasalanan sa kanya sa ikamatay niya. Ipagaruti niku siya bag-u kang palpasan.”

Huwan 18:38

Bag-u sinabi ni Pilatu magkun, “Hintay nguna ti katutuuhanan?” Bag-u napalwas maan si Pilatu tabug sa manga tawu sa sugkadan. Sinabi ni Pilatu magkun, “Unman aku may mag-akitan dapat ikaparusa sa kanya.

Binwat 25:25

Dapat ay pagka inusisa niku kay kasu, unman aku may nakitan kasalanan sa kanya hampay siya sintinsiyahan sa kamatayan. Pagka sinabi niya kay gustu ipahusay niya kay kasu sa Pangulu Hari, inisip niku siya ipadara yi ngani tabug sa Pangulu Hari.

Binwat 3:13

Bukun duy katida. Ti Diyus ni Abraham, ni Isaak, ni Hakub, hanggan nita manga ginurang imaw ti nagpakakit kay daka gid pag kamaskihan ni Hisus kay suruguun Diyus. Dapat kanyu ngap ipinabahala siya sa manga pinunu Hudiyu bag-u kanyu dinayu sa atubangan ni Pilatu, madi kay mana gustu palpasan di si Hisus.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.

1 Pidru 1:19

Ti ilinukat sa kanyu kay ngap mahal pag dugu ni Kiristu. Namatay siya tungkul sa kanyu kasalanan ga anak karanidu unman may nu hintay pag alangan unman waydi may daut una di.

1 Pidru 2:22

“Unman nagbuwat si Hisus una hintay pag kasalanan, unman diman may nadnugan sa kanya una hintay pag bagaw balaw katutuuhanan.”

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.