Lukas 23:34 - Hanunuu

³⁴ Sinabi ni Hisus, “Amang, patawada duy nimu sida, dahil unman nida alam kanda pagbuwatun.” Bag-u kanda inayaw-ayaw kay manga rutay ni Hisus, kanda waya alinaban sa lunggungan.

Lukas 23:34 Iomraidhean Croise

Gimpuunan 50:17

kuntay sabiha sa kanmu patawada nimu kami sa daut pag binwat nimi sa kanmu. Nakan taynguna, mana patawadun nimu kami pag manga suruguun diman Diyus nita ama.” Pagka nakaras-ug ti pabilin nida sa kan Husi, nanlumi siya.

Kanta 22:18

Pinanhuray lang nida kang manga rutay sa panab-anan lunggungan.

Isayas 53:12

Dahil siyun, dayawun niku siya parihu sa bantug pag tawu ag makapangyarihan dahil ipinakaun niya kay buhi. Imininsan siya usa sa manga makasalanan ag hinagad waya niya sa Diyus kuntay sida patawadun.”

Matiyu 11:25

Sa ati katpung magkun si Hisus, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, ipinakilala ngapu nimu sa manga tawu ga anak kay tagipusuun.

Matiyu 11:26

Hu ngani duy Amang, dahil katunda yi kanmu kagustuhan.”

Matiyu 5:44

Dapat kainda maan kang pagsabihun, mahalun niyu kanyu manga kalaban, idarangin gid niyu ti mag-unuunu sa kanyu,

Markus 15:24

Bag-u kanda ipinaku siya sa kurus, bag-u inayaw-ayaw nida kay manga rutay, alinaban waya nida sa lunggungan.

Lukas 22:42

magkun, “Amang, nu gustu nimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud, nu unman kanmu di gid ti masunud.”

Huwan 17:9

“Bukun pag-idarangin niku ti manga taga kalibutan. Pag-idarangin niku tunda pag manga tawu kanmu iinintirga sa kangku, dahil sida kanmu manga sakup.

Huwan 19:11

Sinmagut si Hisus magkun, “Nakan lang kawu may karampatan magbuwat katida sa kangku, dahil Diyus ti may pahintulut tunda sa kanmu. Nakan mabuyat man ti kasalanan tunda pag tawu ti nag-intirga sa kangku sa kanmu kamang.”

Binwat 16:28

Dapat ay si Pablu nagbagaw gid daka magkun, “Danga duy nimu pagsakti kanmu sadili bilug. Kami inda di tanan-tanan.”

Binwat 3:17

“Alam diman waydi niku duy, manga kaparihu niku Hudiyu, unman niyu nasalman kanyu binwat ati katpung, parihu diman ga kanyu manga pinunu unman diman sida nakasalum kanda binwat.

Binwat 7:60

Nagluhud siya bag-u nanawag daka magkun, “Panginuun, danga ipakaun nimu sa kanda inda pag kasalanan nida.” Pagka sinabi niya katida, naugtasan yi siya arup.

Ruma 12:14

Idarangin niyu ti manga mag-unuunu sa kanyu hampay sida papaladan Diyus. Daranginan di niyu sida hampay balaw sida saadan Diyus.

1 Kurintu 2:8

Unman may nakakilala una hintay pag manga pinunu taga kalibutan sa inda pag kadunungan Diyus. Dahil nu nakilala lang nida balaw mana ipinapaku nida sa kurus ti Panginuun, dahil siya ti gimpuunan kadayawan.

1 Kurintu 4:12

Kami magpangabudlay sa kanmi sadili kabuhian. Una kami pagmuransahun manga tawu, pag-idarangin nimi sida hampay papaladan Diyus. Una pag-unuunuhun kami, pag-agwantahun lang nimi.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.

1 Pidru 3:9

Danga gantihi daut ti tawu nu magbuwat daut sa kanyu. Danga niyu murahun ti magmura sa kanyu. Bagkus ngap idarangin niyu sida hampay papaladan sida Diyus. Dahil pinili kamu Diyus hampay makatanggap papalad ginan sa kanya.