Lukas 23:33 - Hanunuu

³³ Pagka rinmas-ug sa bantud kay ngaran Barut Ulu, kanda ipinaku siya ati sa kurus, bag-u ipinaku waydi ti manga tulisan, ti usa sa wala baliwa pag kurus, ti usa sa sikun baliwa.

Lukas 23:33 Iomraidhean Croise

Kanta 22:16

Pinalibutan aku kaban daut pag manga tawu parihu sa manga idu. Binuslutan nida kang manga kamang hanggan manga lulud.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Matiyu 20:19

Bag-u kanda ipabahala siya sa manga balaw Hudiyu, hampay kanda muransahun, hampakun, bag-u ipaku yi nida sa kurus. Dapat sa ikatlu pag sirang mabuhi maan siya uman.”

Matiyu 26:2

“Alam yi niyu, duwa wadi ka sirang bag-u Kapistahan yi sa Pag-alaala sa Karibrihan. Ipahintulut yi ti Anak Tawu sa manga kalaban hampay ipaku siya sa kurus.”

Lukas 24:7

magkun, ‘Kailangan ipahintulut ti Anak Tawu sa manga tawu makasalanan hampay ipaku sa kurus, bag-u mabuhi maan siya sa ikatlu pag sirang.’ ”

Huwan 18:32

Katida ti nangyari hampay matupad kan Hisus sinabi pagka ipinaalam niya nu sa kabitay pag kamatayan kay malakawan niya aban.

Huwan 3:14

“Kaybi kanda sa pangawakawaan di waya, tinur-ug ni Muysis ti ulay galang tag sa tungud. Katunda diman waydi kailangan ipaabwat ti Anak Tawu,

Binwat 13:29

Pagka tinupad nida ti tanan isinurat tungkul sa kanya, bin-ul nida siya ginan sa kurus bag-u kanda ipinauli sa tinaguktukan batu.

Binwat 2:23

Si Hisus ipinahintulut sa kanyu angay sa kay nalub-anan gayak Diyus. Bag-u kanyu apinapaku sa kurus ipinamatay sa manga tawu balaw Hudiyu.

Binwat 5:30

Ti Diyus nita ginurang imaw ti nagbuhi uman sa kan Hisus kanyu ipinapaku sa kurus ipinamatay.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Diyuturunumiyu 21:23

kailangan danga maabutan surip ti bangkay ati sa kayu. Kailangan ilbung niyu inda sa tunda diman pag sirang, dahil una si unu ti ibinitin sa kayu sinaadan Diyus. Danga niyu pag-uringi ti pag-ipakaun Panginuun niyu Diyus pag daga sa kanyu bilang mana niyu.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”