Lukas 23:32 - Hanunuu

³² May dinara waya sida duwa ka tulisan agud matyun dungan kan Hisus.

Lukas 23:32 Iomraidhean Croise

Isayas 53:12

Dahil siyun, dayawun niku siya parihu sa bantug pag tawu ag makapangyarihan dahil ipinakaun niya kay buhi. Imininsan siya usa sa manga makasalanan ag hinagad waya niya sa Diyus kuntay sida patawadun.”

Matiyu 27:38

Ati katpung duwa ka tulisan kay kadungan ni Hisus ipinaku waydi sa kurus, ti usa sa sikun baliwa pag kurus, kay usa sa wala baliwa pag kurus.

Markus 15:27

May duwa ka tulisan kay kadungan ni Hisus ipinaku waydi sa kurus, ti usa sa sikun baliwa pag kurus, kay usa sa wala baliwa pag kurus.

Lukas 22:37

Dahil pagsabihun niku sa kanyu kailangan matupad tungkul sa kangku inda pag sinabi sa Kasuratan magkun, ‘Imininsan siya sa bilang sa manga makasalanan pag tawu.’ Dahil ti isinurat tungkul sa kangku pihu mangyari aban.”

Lukas 23:31

Dahil nu inda kanda pagbuwatun sa puun kayu buhi unman aw mas lalu makuri ti mangyari sa manga nalayung?”

Huwan 19:18

Pagka rinmas-ug sida ati, kanda yi ipinaku siya sa kurus. Ati katpung may duwa waya ka tawu kanda ipinaku sa manga kurus, ti usa sa wala baliwa pag kurus, ti usa sa sikun baliwa, si Hisus sa karaw-an.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.