Lukas 22:70 - Hanunuu

⁷⁰ Bag-u sinabi nida tanan, “Nu katunda kawu aw ti Anak Diyus?” Bag-u sinabi niya sa kanda, “Kamu yi waydi ti magsabi kuntay aku ngani.”

Lukas 22:70 Iomraidhean Croise

Kanta 2:12

Sunda niyu kay pinili pag hari, dahil nu unman, barang kadaka mangisug siya ag rargu ipadamhak niya kamu. Mapalad ti kada tawu maghagad awat sa Panginuun.

Kanta 2:7

Magkun ti pinili Diyus pag hari, “Itultul niku ti sinabi sa kangku Panginuun magkumun, ‘Kawu kang anak. Taynguna pag sirang pag ipakilala niku aku kanmu ama.

Matiyu 26:25

Pagka sinabi ni Hisus tunda, nagpaingana diman si Hudas, imaw ti magpakampi sa kalaban, magkun, “Maisturu, aku aw nguna?” Magkun si Hisus, “Kawu ti nagsabi tunda.”

Matiyu 26:64

Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Matiyu 27:11

Pinaatubang si Hisus sa kan Gubirnadur Pilatu. Nagpaingana ti gubirnadur sa kan Hisus magkun, “Kawu yi aw ngani ti Hari manga Hudiyu?” Nagsagut si Hisus magkun, “Hu. Kawu tunda ti may sabi.”

Matiyu 27:43

Magsarig siya sa Diyus. Nu tutuu siya pagbayaun Diyus kailangan iribri niya siya. Sinabi niya kabay kuntay siya Anak Diyus.”

Matiyu 27:54

Pagka nadnugan nida ti linug ag pagka nakitan nida ti nangyari, nadala masyadu ti kapitan hanggan ti manga sundalu kaibahan niya magbantay sa kan Hisus. Magkun sida, “Tutuu ungud Anak Diyus inda.”

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Matiyu 4:3

Nagpakarani yi ti manugtuksu, magkun sa kan Hisus, “Nu kawu ungud ti Anak Diyus, bagawi tunda pag manga batu hampay bumaliw tinapay.”

Markus 14:62

Sinabi ni Hisus, “Aku ngani. Kainda ginan makitan niyu ti Anak Tawu matukawan baliwa sa sikun Diyus makamaskihan minsan sa kay karampatan. Rumas-ug siya padara sa rurum ginan sa langit.”

Markus 15:2

Nagpaingana si Pilatu sa kan Hisus magkun, “Kawu aw ti Hari manga Hudiyu?” Magsagut si Hisus, “Kawu ngani duy ti magsabi.”

Lukas 22:71

Bag-u sinabi nida, “Hintay waya pag manga kastigus kanyu paghanapun? Dahil kita duy nakadnug yi waydi sa kay binagaw.”

Lukas 23:3

Pinaingana siya ni Pilatu magkun, “Kawu aw ti Hari manga Hudiyu?” Sinmagut si Hisus, “Kawu yi waydi ti magsabi kuntay aku ngani.”

Lukas 4:41

Nanlinuwas diman ti manga labang sa mayamu tawu, nanringgit magkun, “Kawu ti Anak Diyus!” Dapat sinabihan maan niya ti manga labang danga yi mag-ingay, dahil alam nida siya ti Pinili Diyus Manugribri pag Hari.

Huwan 1:34

Magkun si Huwan, “Nakitan yi ngani niku tunda pag nangyari. Pagpatutuuhanan ngani niku sa kanyu tunda pag tawu imaw yi gid ti Anak Diyus.”

Huwan 1:49

Magkun si Natanail, “Maisturu, kawu yi duy ti Anak Diyus, kawu yi ti Hari nasyun Israil.”

Huwan 10:30

Aku hanggan ti Ama urusa kami.”

Huwan 10:36

Ti Ama ti nagpili nagsugu sa kangku sitay tag sa kalibutan. Kabitay lugud masabi niyu aku lapastangan laban sa Diyus nu pagsabihun niku aku ti Anak Diyus?

Huwan 18:37

Pinmaingana maan si Pilatu magkun, “Nu katunda hari aw gid kawu?” Sinmagut si Hisus magkun, “Hu, tama kanmu pagsabihun kuntay aku hari. Nakan nagsitay aku iinanak sa babaw daga inda lang kang turunu hampay itultul niku ti katutuuhanan sa manga tawu. Nu ti tawu napasakup sa katutuuhanan, pumatingi siya sa kang manga pagsabihun.”

Huwan 19:7

Sinmagut ti manga Hudiyu magkun, “May Kasuguan kami ag angay sa tunda pag Kasuguan kailangan siya matyun dahil inaku niya siya kunu ti Anak Diyus.”