Lukas 22:69 - Hanunuu

⁶⁹ Dapat sa taynguna ginan matukawan yi ti Anak Tawu baliwa sa kay sikun Diyus minsan sa karampatan Diyus makapangyarihan.”

Lukas 22:69 Iomraidhean Croise

Kanta 110:1

Magkun ti Panginuun sa kang Panginuun, “Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.”

Matiyu 22:44

‘Sinabi Panginuun sa kang Panginuun, Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.’

Matiyu 26:64

Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Markus 14:62

Sinabi ni Hisus, “Aku ngani. Kainda ginan makitan niyu ti Anak Tawu matukawan baliwa sa sikun Diyus makamaskihan minsan sa kay karampatan. Rumas-ug siya padara sa rurum ginan sa langit.”

Markus 16:19

Pagka nakatapus kay bagaw sa kanda, dinara yi ti Panginuun Hisus atag sa langit. Tinmukaw siya sa sikun baliwa Diyus.

Lukas 22:68

Ag nu kamu kang paingan-un unman diman waydi kamu magsagut.

Ruma 8:34

Hintay waya gid ti sumintinsiya sa kanta atag sa kaparusahan? Udyi! Si Kiristu Hisus sa kay yi sikun baliwa Diyus. Siya waya ngani ti namatay bag-u binuhi uman Diyus. Taynguna siya yi ti nagbaliwa sa kanta.

Kulusas 3:1

Kamu binuhi uman kaibahan ni Kiristu. Nakan pagkaibgi niyu ti ihinanda Diyus sa kanyu ati sa langit, ati si Kiristu nakatukaw baliwa sa sikun Diyus nakapaminsan sa kay karampatan maghari.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 8:1

Inda yi ngani ti katutuuhanan sa tanan kanmi sinabi. Kita ungud may pangulu manughandug matukawan ati sa langit baliwa sa sikun Diyus minsan sa Karampatan Diyus sa maghari.

1 Pidru 3:22

Nag-atag siya sa langit, baliwa sa sikun Diyus. Siyun yi ngap siya pag maghari sa manga anghil, imaw ti manga may kangaranan hanggan kamaskihan sa langit.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.