Lukas 22:66 - Hanunuu

⁶⁶ Pagka nasirang yi nagtiripun ti manga paggurangunun manga Hudiyu hanggan ti manga pangulu manughandug hanggan ti manga manugtudlu Kasuguan. Bag-u apinaatubang nida si Hisus ati sa kanda Katipunan.

Lukas 22:66 Iomraidhean Croise

Matiyu 27:1

Pagka surip, nagpululungan ti tanan manga pangulu manughandug hanggan ti manga paggurangunun manga Hudiyu laban sa kan Hisus hampay siya matyun.

Matiyu 5:22

Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.

Markus 15:1

Pagka surip, nagpululungan dapu ti manga pangulu manughandug, ti manga paggurangunun manga Hudiyu, ti manga manugtudlu Kasuguan hanggan ti Katipunan manga Pinunu. Bag-u kanda pinagapus si Hisus, kanda dinara, ipinabahala yi sa kan Pilatu.

Huwan 18:28

Pagka surip yi dinara nida si Hisus ginan sa kan Kaipas balay tag sa balay gubirnadur. Ti manga pinunu Hudiyu unman nagsaka, dahil daut sa kanda tun-anun nu sumaka sa balay balaw Hudiyu, barang unman sida mahimu makakaun sa karan-an sa Pag-alaala sa Karibrihan.

Binwat 22:5

Una ti pangulu manughandug Balay Diyus una ti tanan manga paggurangunun sa nasyun makapatutuu diman sa kang pagsabihun kainda. Pinakan-an waya nida aku manga surat hampay kang darahun atag sa kanta manga kaparihu Hudiyu sa Damasku. Linmakaw ngani aku atabug sa Damasku hampay dakpun niku tunda ngani pag manga tawu magsunud sa bag-u ugali, bag-u kang mana darahun sida may pusas kay kamang sitay tag sa Hirusalim agud parusahan.”