Lukas 22:43 - Hanunuu

⁴³ Napakakit sa kanya ti usa ka anghil ginan sa langit, nagpabisug sa kanya.

Lukas 22:43 Iomraidhean Croise

Danyil 11:1

“Katpung un-an timpu kay paghari ni Daryu taga Midya, aku ti nag-awat ag nagkampi kan Mikail.”

Matiyu 26:53

Unman aw lugud nimu alam aku makahimu manhagad sa kang Ama bag-u susun padaran-an niya aku subra waya sa sampulu may duwa ka kagadhan anghil.

Matiyu 4:11

Bag-u tinayakan diyablu si Hisus bag-u nagras-ug ti manga anghil kanda inalagaan siya.

Matiyu 4:6

Ag magkun siya sa kan Hisus, “Nu kawu ti Anak Diyus, palagpak kawu atag sa sirung. Dahil nisurat sa Banal Kasuratan magkun, ‘Bilinan Diyus kay manga anghil hampay alagaan kawu. Sambutun nida kawu hampay balaw madayaan kanmu lulud sa batu.’”

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Binwat 18:23

Pagka siya nadugay-dugay diit ati sa Antiyukya, nighit yi maan siya. Namalibutan siya sa manga kabanwa-banwahan sa daga Galasya hanggan sa daga Pirigya, kay pinarig-un ti manga patar-ari sa kanda pagsarig.

Diyuturunumiyu 3:28

Dapat tudlui nimu si Huswi sa kay manga dapat buwatun. Pabisugun nimu siya dahil siya ti manguna sa inda pag manga tawu sa pagdipay sa Hurdan. Ipakaun niya sa kanda ti daga kanmu makitan taynguna!’

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

Hibriyu 1:14

Ti tanan manga anghil manga ispiritu magsirbi sa Diyus, kay manga suruguun hampay mag-alaga sa manga tawu mumana karibrihan.

Hibriyu 1:6

Kainda waya kay sinabi Diyus, pagka arani yi suguun niya ti panganay tag sa kalibutan, magkun siya, “Kailangan siya sambahun tanan manga anghil.”

Hibriyu 2:17

Nakan ngani kailangan siya parihu diman waydi sa kay manga patar-ari sa tanan manga bagay hampay siya usa ka pangulu manughandug sa Balay Diyus maawaun ag matinupadun sa kay magsirbi sa Diyus, hampay mapatawad Diyus ti kasalanan manga tawu.