Lukas 22:42 - Hanunuu

⁴² magkun, “Amang, nu gustu nimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud, nu unman kanmu di gid ti masunud.”

Lukas 22:42 Iomraidhean Croise

Kanta 40:8

Diyus niku, gustu niku tupadun kanmu kagustuhan. Kanmu kasuguan paghamnuun niku sa kang tagipusuun.”

Isayas 51:17

Hirusalim, pagbangun kawu! Ti pangagalit Panginuun ga intus ininum nimu tanan tugka kawu sa magpasuray-suray sa langu.

Isayas 51:22

Inda ti pagsabihun Panginuun niyu Diyus ti mag-apin sa kanyu: “Pagpatingi kamu! Bin-ul yi niku kang pangagalit ga intus makapalangu sa kanyu. Balaw yi niku kamu painmun utru inda.

Hirimyas 25:15

Magkun sa kangku ti Panginuun, ti Diyus Israil, “Bul-a nimu sa kang kamang ti ungut punu pangagalit niku, ipainum nimu sa tanan nasyun nu naan tag kawu pag-ipadara niku.

Matiyu 11:25

Sa ati katpung magkun si Hisus, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, ipinakilala ngapu nimu sa manga tawu ga anak kay tagipusuun.

Matiyu 11:26

Hu ngani duy Amang, dahil katunda yi kanmu kagustuhan.”

Matiyu 20:22

Dapat ay sinabi ni Hisus sa kanda ni Huwan ni Santiyagu magkun, “Unman niyu naintindihan ti kanyu pagpamuhunun. Kaya aw mainman niyu ti ungut may kakurian arani yi kang inman aban?” Magkun sida sa kanya, “Kaya duy nimi mainman.”

Matiyu 26:39

Pagka napakarayu siya diit, napadapa siya nagdarangin magkun, “Amang, nu mahimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud nu unman kanmu di gid ti kailangan masunud.”

Matiyu 26:42

Nagpakarayu maan siya nandarangin magkun, “Amang nu ud mab-ul inda pag ungut may kakurian nu unman kang inman, kailangan kanmu di pag kagustuhan ti masunud.”

Matiyu 26:44

Nakan kas-a waya kay tinayakan sida nandarangin siya maan pakatlu imaw diman kay sinabi.

Matiyu 6:10

Kawu mana ti maghari sitay sa babaw daga. Mana tupadun kanmu kagustuhan sitay sa babaw daga parihu sa langit.

Markus 14:36

Sinabi niya, “Amang duy, kaya nimu mabuwat ti tanan bagay. Ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud nu unman kanmu di gid ti masunud.”

Lukas 23:34

Sinabi ni Hisus, “Amang, patawada duy nimu sida, dahil unman nida alam kanda pagbuwatun.” Bag-u kanda inayaw-ayaw kay manga rutay ni Hisus, kanda waya alinaban sa lunggungan.

Huwan 18:11

Sinabi ni Hisus sa kan Pidru magkun, “Suulan yi duy nimu kanmu baladaw. Dayuun aw lugud inmun niku inda pag ungut may kakurian kay ipinakaun Ama sa kangku?”

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.

Huwan 5:30

Sinabi ni Hisus magkun, “Unman aku may karampatan magbuwat una hintay nu ginan lang sa kang sadili. Angay lang sa kang nadnugan ginan sa Ama pag makapihu aku sa tawu nu daut nu mayad. Nakan aku balaw magsalan sa kang magpihu sa tawu, dahil aku unman magsunud sa kang sadili lang kagustuhan. Bagkus ngap kang pagsundan ti kagustuhan Ama, imaw ti nagsugu sa kangku.

Huwan 6:38

Dahil aku nagsitay ginan sa langit balaw hampay masunud niku kang sadili kagustuhan, bagkus ngap hampay tupadun niku ti kagustuhan Diyus imaw ti nagsugu sa kangku.

Binwat 21:14

Pagka unman siya napatalu, udyi lang kami nag-ingay. Sinabi lang nimi, “Pagmasunud gid ti kagustuhan Panginuun.”